طرہ اسے جو حسن دل آزار نے کیا

Tarh use jo husn-e-dil-āzār ne kiyāAndher gaisoo-e-siyah-e-yār ne kiyā

Gul se jo sāmnā tere rukhsār ne kiyāMizhgañ ne wo kiyā ke jo kuchh khār ne kiyā

Nāz-o-adā ko tark mere yār ne kiyāGhamza nayā ye tark-e-sitamgār ne kiyā

Afshāñ se kushta-e-abroo-e-khamdār ne kiyāJauhar se kām yār ki talwār ne kiyā

Qāmat teri daleel-e-qiyāmat ki ho gaīKām āftāb-e-hashr ka rukhsār ne kiyā

Meri nigah ke rashk se rozan ko jaan diRakhna ye qasr-e-yār ki deewār ne kiyā

Sauda-e-zulf mein mujhe āyā khayāl-e-rukhMushtāq roshni ka shab-e-tār ne kiyā

Hasrat hi bosa-e-lab-e-shīreeñ ki rah gaīMīthā na muñh ko tere namak-khwār ne kiyā

Fursat mili na girya se ek lahza ishq meinPaani mere lahoo ko is āzār ne kiyā

Sīmāb ki tarah se shugufta hua mizājIksīr mujh ko mere kharīdār ne kiyā

Qad mein to kar chukā tha wo ahmaq barābariMajboor sarv ko teri raftār ne kiyā

Hairat se pā ba gul hue rozan ko dekh karDeewār ham ko yār ki deewār ne kiyā

Patthar ke aage sajda kiyā tu ne BrahmanKāfir tujhe tere but-e-pindār ne kiyā

Kāvash mizha ne ki rukh-e-dilbar ki deeda meinPā-e-nigāh se bhi khalish-e-khār ne kiyā

Āshiq ki tarah main jo laga karne bandagiĀzād daagh de ke kharīdār ne kiyā

I'jāz ka ajab lab-e-jāñ-bakhsh se nahinPaigham-bar is ko mushaf-e-rukhsār ne kiyā

Tarh ki tarah se dil-e-āshiq ko pech meinKis kis lapeT se teri dastaar ne kiyā

Ānkhoñ ko band kar ke tasavvur mein bāgh keGulshan-e-qafas ko murgh-e-giraftār ne kiyā

Nālāñ hua main is rukh-e-rangeeñ ko dekh karBulbul mujhe nazāra-e-gulzār ne kiyā

Haklā ke mujh se baat jo is dilrubā ne kiKis husn se adā use takrār ne kiyā

UlTa idhar naqāb to parde paRe udharĀnkhoñ ko band jalwa-e-dīdār ne kiyā

Lazzat ko tark kar to ho duniyā ka ranj doorParhez bhi dawā hai jo bīmār ne kiyā

Nāsāf ā'eena ho to badtar hai sang seRoshan ye haal ham ko jalā-kār ne kiyā

Halqa ki nāf-e-yār ke ta'reef kya karuñGol aisa dā'ira nahin parkār ne kiyā

Deewān-e-husn-e-yār ki Atish! jo sair kiDeewāna bait-e-abroo-e-khamdār ne kiyā