زندے وہی ہیں جو کہ ہیں تم پر مرے ہوےباقی جو ہیں سو قبر میں مردے بھرے ہوئے
مست الست قلزم ہستی میں آئے ہیںمثل حباب اپنا پیالہ بھرے ہوئے
اللہ رے صفائے تن نازنین یارموتی ہیں کوٹ کوٹ کے گویا بھرے ہوئے
دو دن سے پاؤں جو نہیں دبوائے یار نےبیٹھے ہیں ہاتھ ہاتھ کے اوپر دھرے ہوئے
ان ابروؤں کے حلقہ میں وہ انکھڑیاں نہیںدو طاق پر ہیں دو گل نرگس دھرے ہوئے
بعد فنا بھی آئے گی مجھ مست کو نہ نیندبے خشت خم لحد میں سرہانے دھرے ہوئے
نکلیں جو اشک بے اثر آنکھوں سے کیا عجبپیدا ہوئے ہیں طفل ہزاروں مرے ہوئے
لکھے گئے بیاضوں میں اشعار انتخابرائج رہے وہی کہ جو سکے کھرے ہوئے
الٹا صفوں کو تیغ نے ابروئے یار کیتیر مژہ سے درہم و برہم پرے ہوئے
آتشؔ خدا نے چاہا تو دریائے عشق میںکودے جو اب کی ہم تو ورے سے پرے ہوئے
— حیدر علی آتش
Zinde wahi hain jo ke hain tum par mare hueBaqi jo hain so qabr mein murde bhare hue
Mast-e alast qulzum-e hasti mein aaye hainMisl-e habab apna piyala bhare hue
Allah re safa-e tan-e nazneen-e yaarMoti hain koot koot ke goya bhare hue
Do din se paaon jo nahin dabwaaye yaar neBaithe hain haath haath ke upar dhare hue
In abroo'on ke halqa mein woh ankhariyan nahinDo taaq par hain do gul-e nargis dhare hue
Baad-e fana bhi aaye gi mujh mast ko na neendBe-khisht-e kham lahad mein sirhane dhare hue
Niklein jo ashk-e be-asar aankhon se kya ajabPaida hue hain tifl hazaron mare hue
Likhe gaye bayazon mein ashaar-e intikhabRaaij rahe wahi ke jo sikke khare hue
UlTa safoon ko tegh ne abroo-e yaar kiTeer-e mizha se dirham o barham pare hue
Atishؔ Khuda ne chaha to darya-e ishq meinKoode jo ab ki hum to ware se pare hue