سنا ہے تم منوں مٹی تلے آرام کرتی ہوتم اور آرام نا ممکن
سنا ہے موت سے بھی آخری دم تک لڑائی کیمجھے معلوم ہے تم کتنی ضدی تھیں
قسم ان کھردرے ہاتھوں کیمیں جن میں قلم پکڑے ہوئے ہوں
نہایت بے ایمانی سےتمہیں ہر بار میں تم سے چرا کر نظم بنتی ہوں
کہانی کاڑھتی ہوںاور سب سے جھوٹ کہتی ہوں
کہ سارے حرف میرے ہیںسنا ہے جس گھڑی دنیا میں میں آئی
تمہیں نے شہد بھی مجھ کو چٹایاریشمی انگلی سے کاجل بھی لگایا تھا
وہ پہلا شہد کا قطرہمرے شعروں میں رس بن کر مہکتا ہے
تو مجھ پر داد اور تحسین کی برسات ہوتی ہےوہ کاجل ریشمی انگلی سے جو تم نے لگایا تھا
مری آنکھوں میں ایسا نور لایاکہ جو نیکی بدی میں خط فاصل کھینچ دیتا ہے
ترائی کے بہت چھوٹے سے قصبے کےکسی خاموش آنگن میں
مجھے تم دودھ چاولچاند کی میٹھی کٹوری میں کھلاتی تھیں
تو رانی کیتکی والی کہانی بھی سناتی تھیںکبھی تم اپنے پہلو میں لٹا کر
آسماں کے نت نئے اسرار سمجھاتیںوہ دیکھو
کہکشاں کہتے ہیں جس کو یہ حقیقت میںنبی جی کی سواری کے قدم کی دھول ہے ساری
کبھی تم دل نشیں آواز میں لوری سناتی تھیںمگر میں بھی تمہاری ہی طرح کی ایک ضدی تھی
مجھے کب نیند آتی تھیتمہاری ریشمی انگلی پکڑ کر میں
انوکھی کہکشاؤں کے سفر پر چل نکلتی تھیانوکھی کہکشائیں جو گلی کوچوں میں بکھری تھیں
وہ اک نا بینا بڑھیاجس کے ٹوٹے جھونپڑے میں
شب کی تاریکی میں تم جا کرنوالہ اپنے ہاتھوں سے کھلاتی تھیں
محلے میں کوئی بچہ جو آدھی رات کو روتاتو تم بے چین ہی رہتی تھیں جب تک ہو نہ آتی تھیں
تمہیں بچوں سے اور بچوں کو تم سے عشق تھا گویاکہا جاتا ہے تم دشمن بنانے میں بھی ماہر تھیں
حریص ایسیکہ کم قیمت کوئی ملبوس نظروں میں نہ لاتی تھیں
غنی ایسیکہ اک لقمہ نہ مرضی کے خلاف اپنے اٹھاتی تھیں
رعونت اور درویشیتمہاری ذات کے اک منطقے پر آن ملتے تھے
شکایت رنج بیمارییہ وہ الفاظ تھے جن کو
لغت سے اپنی خارج کر دیا تھا جانے کب تم نےسنا یہ ہے تمہیں قرآن بھی اچھی طرح پڑھنا نہ آتا تھا
مگر میں نے تو یہ دیکھاگلی کے کتنے ہی آوارہ کتے دم دبا کر بیٹھ جاتے تھے
تمہاری ایک صم اور بکمن کی تلاوت سےتمہارے ہاتھ کے میٹھے ملیدے میں
جو درگاہوں کی خوشبو تھیمیں لکھنا چاہتی ہوں تو
سمٹ کر جذب ہو جاتی ہے کاغذ میںتمہارے پوپلے ہونٹوں کا نازک خم
اک ایسا حرف ابجد تھاجسے جتنا میں پڑھتی ہوں
نئے اسرار کھلتے ہیںروپہلی جلد کی افشاں بکھر جاتی ہے کاغذ پر
کبھی قرطاس پر تم جھریوں میں جھلملاتی ہوہمیشہ کی طرح سے میٹھے میٹھے مسکراتی ہو
تو اپنے کھردرے ہاتھوں کو میں حیرت سے تکتی ہوںسنا یہ ہے تمہیں لکھنا نہ آتا تھا
تمہارے ہاتھ کی کپڑے کی گڑیااور گلابی رنگ کی مٹی کی چڑیا
لفظ بن کر جب بھی کاغذ پر چہکتی ہیںمیں چالاکی سے ہنستی ہوں
چلو اچھا ہے لوگوں کو یہی معلوم ہے اب تکتمہیں لکھنا نہ آتا تھا
— عشرت آفریں
Suna hai tum mannon mitti tale araam karti hoTum aur araam na mumkin
Suna hai maut se bhi aakhri dam tak ladai kiMujhe maloom hai tum kitni ziddi thin
Qasam un khurdure haathon kiMain jin mein qalam pakde hue hoon
Nihayat be-eemani seTumhein har baar main tum se chura kar nazm banti hoon
Kahani kaadhti hoonAur sab se jhoot kehti hoon
Ke saare harf mere hi hainSuna hai jis ghadi duniya mein main aai
Tumhi ne shehad bhi mujh ko chatayaReshmi ungli se kaajal bhi lagaya tha
Woh pehla shehad ka qatraMere sher'on mein ras ban kar mehakta hai
To mujh par daad aur tehseen ki barsaat hoti haiWoh kaajal reshmi ungli se jo tum ne lagaya tha
Meri aankhon mein aisa noor layaKe jo neki badi mein khatt-e-faasil kheench deta hai
Tarai ke bahut chhote se qasbe keKisi khamosh aangan mein
Mujhe tum doodh chawalChaand ki meethi katori mein khilati thin
To Rani Ketki wali kahani bhi sunati thinKabhi tum apne pehlu mein leta kar
Aasmaan ke nit naye asraar samjhatinWoh dekho
Kehkashaan kehte hain jis ko yeh haqeeqat meinNabi ji ki sawari ke qadam ki dhool hai saari
Kabhi tum dil-nasheen awaaz mein lori sunati thinMagar main bhi tumhari hi tarah ki ek ziddi thi
Mujhe kab neend aati thiTumhari reshmi ungli pakad kar main
Anokhi kehkashaon ke safar par chal nikalti thiAnokhi kehkashayen jo gali koochon mein bikhri thin
Woh ik na-beena budhiyaJis ke toote jhonpde mein
Shab ki tareeki mein tum ja karNiwala apne haathon se khilati thin
Mohalle mein koi bachcha jo aadhi raat ko rotaTo tum bechain hi rehti thin jab tak ho na aati thin
Tumhein bachchon se aur bachchon ko tum se ishq tha goyaKaha jaata hai tum dushman banane mein bhi mahir thin
Harees aisiKe kam qeemat koi malboos nazron mein na laati thin
Ghani aisiKe ik luqma na marzi ke khilaaf apne uthati thin
Ra'unat aur darweshiTumhari zaat ke ik mantaqe par aan milte the
Shikayat, ranj, beemariYeh woh alfaaz the jin ko
Lughat se apni kharij kar diya tha jaane kab tum neSuna yeh hai tumhein Quran bhi achhi tarah padhna na aata tha
Magar main ne to yeh dekhaGali ke kitne hi aawara kutte dum daba kar baith jaate the
Tumhari ek samm aur bakman ki tilawat seTumhare haath ke meethe malide mein
Jo dargahon ki khushboo thiMain likhna chahti hoon to
Simat kar jazb ho jaati hai kaghaz meinTumhare popule honthon ka nazuk kham
Ik aisa harf-e-abjad thaJise jitna main padhti hoon
Naye asraar khulte hainRoopheli jild ki afshaan bikhar jaati hai kaghaz par
Kabhi qirtaas par tum jhuriyon mein jhilmilati hoHamesha ki tarah se meethe meethe muskurati ho
To apne khurdure haathon ko main hairat se takti hoonSuna yeh hai tumhein likhna na aata tha
Tumhare haath ki kapde ki gudiyaAur gulaabi rang ki mitti ki chidiya
Lafz ban kar jab bhi kaghaz par chehakti hainMain chalaki se hansti hoon
Chalo achha hai logon ko yehi maloom hai ab takTumhein likhna na aata tha
