آنکھوں میں حیا آ جاتی ہے ہونٹوں پہ تبسم لاتے ہیںوہ مجھ پہ ستم جب کرتے ہیں تصویر کرم بن جاتے ہیں
اب آپ عنایت کرنے کی تکلیف ہی کیوں فرماتے ہیںدن یوں بھی گزرنے ہی ٹھہرے دن یوں بھی گزر ہی جاتے ہیں
اللہ رے خس و خاشاک سے یہ ہنس ہنس کے چٹانوں کا کہناوہ طوفاں کو کیا سمجھیں گے جو طوفاں میں بہہ جاتے ہیں
اک سمت مسلسل امیدیں اک سمت مسلسل محرومیکب تک یہ اٹھے بار ہستی شانے ہیں کہ ٹوٹے جاتے ہیں
اب ایسی کرم کی باتوں سے دبتی ہیں کہیں دل کی چوٹیںتم جتنا مٹاتے جاتے ہو یہ نقش ابھرتے آتے ہیں
اس دور پریشانی میں کبھی وہ وقت بھی آتا ہے عالیؔکچھ دل بھی دھوکے کھاتا ہے کچھ وہ بھی کرم فرماتے ہیں
— جمیل الدین عالی
Aankhon mein haya aa jaati hai honton pe tabassum laate hainWoh mujh pe sitam jab karte hain tasveer-e-karam ban jaate hain
Ab aap inayat karne ki takleef hi kyun farmate hainDin yun bhi guzarne hi thahre din yun bhi guzar hi jaate hain
Allah re khas-o-khashaak se yeh hans hans ke chattanon ka kehnaWoh toofan ko kya samjhenge jo toofan mein beh jaate hain
Ek simt musalsal umeedain ek simt musalsal mehroomiKab tak yeh uthaye baar-e-hasti shaane hain ke toote jaate hain
Ab aisi karam ki baaton se dabti hain kahin dil ki choteinTum jitna mitate jaate ho yeh naqsh ubharte aate hain
Is daur-e-pareshani mein kabhi woh waqt bhi aata hai AaliKuchh dil bhi dhoke khata hai kuchh woh bhi karam farmate hain
