غم جہاں سے میں اکتا گیا تو کیا ہوگاخود اپنی فکر میں گھلنے لگا تو کیا ہوگا
یہ ناگزیر ہے امید کی نمو کے لیےگزرتا وقت کہیں تھم گیا تو کیا ہوگا
یہی بہت ہے کہ ہم کو سکوں سے جینے دےکسی کے ہاتھوں ہمارا بھلا تو کیا ہوگا
یہ لوگ میری خموشی پہ مجھ سے نالاں ہیںکوئی یہ پوچھے میں گویا ہوا تو کیا ہوگا
میں اس لیے بھی بہت مختلف ہوں لوگوں سےوہ سوچتے ہیں کہ ایسا ہوا تو کیا ہوگا
جنوں کی راہ عجب ہے کہ پاؤں دھرنے کوزمین تک بھی نہیں نقش پا تو کیا ہوگا
یہ ایک خوف بھی میری خوشی میں شامل ہےترا بھی دھیان اگر ہٹ گیا تو کیا ہوگا
جو ہو رہا ہے وہ ہوتا چلا گیا تو پھر؟جو ہونے کو ہے وہی ہو گیا تو کیا ہوگا
— جواد شیخ
Gham jahaan se main uktaa gaya to kya hogaKhud apni fikr mein ghulne laga to kya hoga
Yeh naaguzir hai ummeed ki namoo ke liyeGuzarta waqt kahin tham gaya to kya hoga
Yahi bahut hai ke hum ko sukoon se jeene deKisi ke haathon hamara bhala to kya hoga
Yeh log meri khamoshi pe mujh se naalaan hainKoi yeh poochhe main goya hua to kya hoga
Main is liye bhi bahut mukhtalif hoon logon seWoh sochte hain ke aisa hua to kya hoga
Junoon ki raah ajab hai ke paaon dharne koZameen tak bhi nahin naqsh-e-paa to kya hoga
Yeh ek khauf bhi meri khushi mein shaamil haiTera bhi dhyaan agar hat gaya to kya hoga
Jo ho raha hai woh hota chala gaya to phir?Jo hone ko hai wahi ho gaya to kya hoga
