ہزار صحرا تھے رستے میں یار کیا کرتاجو چل پڑا تھا تو فکر غبار کیا کرتا
کبھی جو ٹھیک سے خود کو سمجھ نہیں پایاوہ دوسروں پہ بھلا اعتبار کیا کرتا
چلو یہ مانا کہ اظہار بھی ضروری ہےسو ایک بار کیا، بار بار کیا کرتا
اسی لیے تو در آئنہ بھی وا نہ کیاجو سو رہے ہیں انہیں ہوشیار کیا کرتا
وہ اپنے خواب کی تفسیر خود نہ کر پایاجہان بھر پہ اسے آشکار کیا کرتا
اگر وہ کرنے پہ آتا تو کچھ بھی کر جاتایہ سوچ مت کہ اکیلا شرار کیا کرتا
سوائے یہ کہ وہ اپنے بھی زخم تازہ کرےمرے غموں پہ مرا غم گسار کیا کرتا
بس ایک پھول کی خاطر بہار مانگی تھیرتوں سے ورنہ میں قول و قرار کیا کرتا
مرا لہو ہی کہانی کا رنگ تھا جوادؔکہانی کار اسے رنگ دار کیا کرتا
— جواد شیخ
Hazaar sehra the raste mein yaar kya kartaJo chal pada tha to fikr-e-ghubar kya karta
Kabhi jo theek se khud ko samajh nahin payaWo dusron pe bhala aitbar kya karta
Chalo yeh mana ke izhar bhi zaroori haiSo ek baar kiya, baar baar kya karta
Isi liye to dar aaina bhi wa na kiyaJo so rahe hain unhein hoshiyar kya karta
Wo apne khwab ki tafseer khud na kar payaJahan bhar pe use aashkar kya karta
Agar wo karne pe aata to kuch bhi kar jataYeh soch mat ke akela sharar kya karta
Siwaye yeh ke wo apne bhi zakhm taza kareMere ghamon pe mera ghamgusar kya karta
Bas ek phool ki khatir bahar mangi thiRuton se warna main qaul-o-qarar kya karta
Mera lahu hi kahani ka rang tha JawwadKahani kar use rangdar kya karta
