ادھر یہ حال کہ چھونے کا اختیار نہیںادھر وہ حسن کہ آنکھوں پہ اعتبار نہیں
میں اب کسی کی بھی امید توڑ سکتا ہوںمجھے کسی پہ بھی اب کوئی اعتبار نہیں
تم اپنی حالت غربت کا غم مناتے ہوخدا کا شکر کرو مجھ سے بے دیار نہیں
میں سوچتا ہوں کہ وہ بھی دکھی نہ ہو جائےیہ داستان کوئی ایسی خوش گوار نہیں
تو کیا یقین دلانے سے مان جاؤ گے؟یقیں دلاؤں کہ یہ ہجر دل پہ بار نہیں
قدم قدم پہ نئی ٹھوکریں ہیں راہوں میںدیار عشق میں کوئی بھی کامگار نہیں
یہی سکون مری بے کلی نہ بن جائےکہ زندگی میں کوئی وجہ انتظار نہیں
خدا کے بارے میں اک دن ضرور سوچیں گےابھی تو خود سے تعلق بھی استوار نہیں
گلہ تو مجھ سے وہ کرتا ہے اس طرح جوادؔکہ جیسے میں تو جدائی میں سوگوار نہیں
— جواد شیخ
Idhar yeh haal ke chhune ka ikhtiyar nahinUdhar wo husn ke aankhon pe aitbar nahin
Main ab kisi ki bhi umeed tod sakta hoonMujhe kisi pe bhi ab koi aitbar nahin
Tum apni halat-e-ghurbat ka gham manate hoKhuda ka shukr karo mujh se be-dayar nahin
Main sochta hoon ke wo bhi dukhi na ho jayeYeh dastan koi aisi khushgawar nahin
To kya yaqeen dilane se maan jaoge?Yaqeen dilaun ke yeh hijr dil pe baar nahin
Qadam qadam pe nai thokarain hain raahon meinDiyar-e-ishq mein koi bhi kaamgar nahin
Yahi sukoon meri be-kali na ban jayeKe zindagi mein koi wajah intizar nahin
Khuda ke bare mein ek din zaroor sochen geAbhi to khud se ta'alluq bhi istwar nahin
Gila to mujh se wo karta hai is tarah JawwadKe jaise main to judai mein sogwar nahin
