حقیقتوں کا جلال دیں گے صداقتوں کا جمال دیں گےتجھے بھی ہم اے غم زمانہ غزل کے سانچے میں ڈھال دیں گے
تپش پتنگوں کو بخش دیں گے لہو چراغوں میں ڈھال دیں گےہم ان کی محفل میں رہ گئے ہیں تو ان کی محفل سنبھال دیں گے
نہ بندۂ عقل و ہوش دیں گے نہ اہل فکر و خیال دیں گےتمہاری زلفوں کو جو درازی تمہارے آشفتہ حال دیں گے
یہ عقل والے اسی طرح سے ہمیں فریب کمال دیں گےجنوں کے دامن سے پھول چن کر خرد کے دامن میں ڈال دیں گے
ہماری آشفتگی سلامت سلجھ ہی جائے گی زلف دوراںجو پیچ و خم رہ گیا ہے باقی وہ پیچ و خم بھی نکال دیں گے
جناب شیخ اپنی فکر کیجے کہ اب یہ فرمان برہمن ہےبتوں کو سجدہ نہیں کرو گے تو بت کدے سے نکال دیں گے
— کلیم عاجز
Haqeeqaton ka jalal denge sadaqaton ka jamal dengeTujhe bhi hum ae gham-e-zamana ghazal ke saanche mein ḍhaal denge
Tapish patangon ko bakhsh denge lahu chiraghon mein ḍhaal dengeHum un ki mahfil mein reh gae hain to un ki mahfil sambhal denge
Na bandah-e-aql o hosh denge na ahl-e-fikr o khayal dengeTumhari zulfon ko jo darāzi tumhare aashufta haal denge
Yeh aql wale isi tarah se hamein fareb-e-kamal dengeJunoon ke daman se phool chun kar khirad ke daman mein ḍaal denge
Hamari aashuftagi salamat sulajh hi jayegi zulf-e-dauraanJo pech o kham reh gaya hai baqi woh pech o kham bhi nikal denge
Janab-e-Shaikh apni fikr keeje ke ab yeh farmaan Brahman haiButon ko sajda nahin karoge to but-kade se nikal denge
