تہمت چند اپنے ذمے دھر چلےجس لیے آئے تھے سو ہم کر چلے
زندگی ہے یا کوئی طوفان ہےہم تو اس جینے کے ہاتھوں مر چلے
کیا ہمیں کام ان گلوں سے اے صباایک دم آئے ادھر اودھر چلے
دوستو دیکھا تماشا یاں کا سبتم رہو خوش ہم تو اپنے گھر چلے
آہ بس مت جی جلا تب جانیےجب کوئی افسوں ترا اس پر چلے
ایک میں دل ریش ہوں ویسا ہی دوستزخم کتنوں کے سنا ہے بھر چلے
شمع کے مانند ہم اس بزم میںچشم تر آئے تھے دامن تر چلے
ڈھونڈھتے ہیں آپ سے اس کو پرےشیخ صاحب چھوڑ گھر ،باہر چلے
ہم نہ جانے پائے باہر آپ سےوہ ہی آڑے آ گیا جیدھر چلے
ہم جہاں میں آئے تھے تنہا ولےساتھ اپنے اب اسے لے کر چلے
جوں شرر اے ہستیٔ بے بود یاںبارے ہم بھی اپنی باری بھر چلے
ساقیا یاں لگ رہا ہے چل چلاؤجب تلک بس چل سکے ساغر چلے
دردؔ کچھ معلوم ہے یہ لوگ سبکس طرف سے آئے تھے کیدھر چلے
— خواجہ میر درد
Tohmat chand apne zimme dhar chaleJis liye aaye the so hum kar chale
Zindagi hai ya koi toofaan haiHum to is jeene ke haathon mar chale
Kya humein kaam in gulon se aye sabaEk dam aaye idhar udhar chale
Dosto dekha tamasha yaan ka sabTum raho khush hum to apne ghar chale
Aah bas mat ji jala tab jaaniyeJab koi afsoon tera us par chale
Ek main dil-reesh hoon waisa hi dostZakhm kitnon ke suna hai bhar chale
Shama ke manind hum is bazm meinChashm-e-tar aaye the daaman-e-tar chale
Dhoondhte hain aap se us ko pareShaikh Sahab chhod ghar, bahar chale
Hum na jaane paaye bahar aap seWoh hi aade aa gaya jidhar chale
Hum jahan mein aaye the tanha waleSaath apne ab use le kar chale
Joon sharar aye hasti-e-be-bood yaanBaare hum bhi apni baari bhar chale
Saqiya yaan lag raha hai chal chalaoJab talak bas chal sake sagar chale
Dard! kuchh maloom hai ye log sabKis taraf se aaye the kidhar chale
