تجھی کو جو یاں جلوہ فرما نہ دیکھابرابر ہے دنیا کو دیکھا نہ دیکھا
مرا غنچۂ دل ہے وہ دل گرفتہکہ جس کو کسو نے کبھو وا نہ دیکھا
یگانہ ہے تو آہ بیگانگی میںکوئی دوسرا اور ایسا نہ دیکھا
اذیت مصیبت ملامت بلائیںترے عشق میں ہم نے کیا کیا نہ دیکھا
کیا مج کو داغوں نے سرو چراغاںکبھو تو نے آ کر تماشا نہ دیکھا
تغافل نے تیرے یہ کچھ دن دکھائےادھر تو نے لیکن نہ دیکھا نہ دیکھا
حجاب رخ یار تھے آپ ہی ہمکھلی آنکھ جب کوئی پردا نہ دیکھا
شب و روز اے دردؔ در پے ہوں اس کےکسو نے جسے یاں نہ سمجھا نہ دیکھا
— خواجہ میر درد
Tujhi ko jo yaan jalwa farma na dekhaBarabar hai duniya ko dekha na dekha
Mera ghuncha-e-dil hai woh dil giraftaKe jis ko kisoo ne kabhi wa na dekha
Yagana hai tu aah beganagi meinKoyi doosra aur aisa na dekha
Aziyat, museebat, malamat, balaayeinTere ishq mein hum ne kya kya na dekha
Kiya mujh ko daaghon ne sarv charaghanKabhi tu ne aa kar tamasha na dekha
Taghaful ne tere yeh kuch din dikhayeIdhar tu ne lekin na dekha na dekha
Hijab-e-rukh-e-yaar thhe aap hi humKhuli aankh jab koyi parda na dekha
Shab-o-roz aye Dard! dar-pe hoon us keKisoo ne jise yaan na samjha na dekha
