یہ جی چاہتا ہے کہ تم ایک ننھی سی لڑکی ہو اور ہم تمہیں گود میں لے کے اپنی بٹھا لیںیوں ہی چیخو چلاؤ ہنس دو یوں ہی ہاتھ اٹھاؤ ہوا میں ہلاؤ ہلا کر گرا دو
کبھی ایسے جیسے کوئی بات کہنے لگی ہوکبھی ایسے جیسے نہ بولیں گے تم سے
کبھی مسکراتے ہوئے شور کرتے ہوئے پھر گلے سے لپٹ کر کرو ایسی باتیںہمیں سرسراتی ہوا یاد آئے
جو گنجان پیڑوں کی شاخوں سے ٹکرائے دل کو انوکھی پہیلی بجھائے مگر وہ پہیلی سمجھ میں نہ آئےکوئی سرد چشمہ ابلتا ہوا اور مچلتا ہوا یاد آئے
جو ہو دیکھنے میں ٹپکتی ہوئی چند بوندیںمگر اپنی حد سے بڑھے تو بنے ایک ندی بنے ایک دریا بنے ایک ساگر
یہ جی چاہتا ہے کہ ہم ایسے ساگر کی لہروں پہ ایسی ہوا سے بہائیں وہ کشتی جو بہتی نہیں ہےمسافر کو لیکن بہاتی چلی جاتی ہے اور پلٹ کر نہیں آتی ہے ایک گہرے سکوں سے ملاتی چلی جاتی ہے
یہ جی چاہتا ہے کہ ہم بھی یوں ہی چیخیں چلائیں ہنس دیں یوں ہی ہاتھ اٹھائیںہوا میں ہلائیں ہلا کر گرا دیں
کبھی ایسے جیسے کوئی بات کہنے لگے ہیںمگر تم ہمیں گود میں لے کے اپنی بٹھا لو
مچلنے لگیں تو سنبھالوکبھی مسکراتے ہوئے شور کرتے ہوئے پھر گلے سے لپٹ کر کریں ایسی باتیں
تمہیں سرسراتی ہوا یاد آئےوہی سرسراتی ہوا جس کے میٹھے فسوں سے دوپٹہ پھسل جاتا ہے
وہی سرسراتی ہوا جو ہر انجان عورت کے بکھرے ہوئے گیسوؤں کوکسی سوئے جنگل پہ گنگھور کالی گھٹا کا نیا بھیس دے کر
جگا دیتی ہےتمہیں سرسراتی ہوا یاد آئے
ہمیں سرسراتی ہوا یاد آئےیہ جی چاہتا ہے
مگر اپنی حد سے بڑھے تو ہر اک شے بنے ایک ندی بنے ایک دریا بنے ایک ساگروہ ساگر جو بہتے مسافر کو آگے بہاتا نہیں ہے جھکولے دئیے جاتا ہے بس
جھکولے دئیے جاتا ہےاور پھر جی ہی جی میں مسافر یہ کہتا ہے اپنی کہانی نئی تو نہیں ہے
پرانی کہانی میں کیا لطف آئےہمیں آج کس نے کہا تھا پرانی کہانی سناؤ
— میراجی
Yeh jee chahta hai ke tum ek nanhi si ladki ho aur hum tumhein god mein le ke apni bitha leinYun hi cheekho chillaao hans do yun hi haath uthaao hawa mein hilaao hila kar gira do
Kabhi aise jaise koi baat kehne lagi hoKabhi aise jaise na boleinge tum se
Kabhi muskurate hue shor karte hue phir gale se lipat kar karo aisi baateinHamein sarsaraati hawa yaad aaye
Jo gunjaan pedon ki shakhon se takraaye dil ko anokhi paheli bujhaaye magar woh paheli samajh mein na aayeKoi sard chashma ubalta hua aur machalta hua yaad aaye
Jo ho dekhne mein tapakti hui chand boondeinMagar apni hadd se badhe to bane ek nadi bane ek darya bane ek saagar
Yeh jee chahta hai ke hum aise saagar ki lehron pe aisi hawa se bahaayein woh kashti jo behti nahin haiMusafir ko lekin bahaati chali jaati hai aur palat kar nahin aati hai ek gehre sukoon se milaati chali jaati hai
Yeh jee chahta hai ke hum bhi yun hi cheekhein chillaayein hans dein yun hi haath uthaayeinHawa mein hilaayein hila kar gira dein
Kabhi aise jaise koi baat kehne lage hainMagar tum hamein god mein le ke apni bitha lo
Machalne lagein to sambhaaloKabhi muskurate hue shor karte hue phir gale se lipat kar karein aisi baatein
Tumhein sarsaraati hawa yaad aayeWohi sarsaraati hawa jis ke meethe fasoon se dupatta phisal jaata hai
Wohi sarsaraati hawa jo har anjaan aurat ke bikhre hue gesu'on koKisi sooye jangal pe gunghoor kaali ghata ka naya bhes de kar
Jaga deti haiTumhein sarsaraati hawa yaad aaye
Hamein sarsaraati hawa yaad aayeYeh jee chahta hai
Magar apni hadd se badhe to har ek shai bane ek nadi bane ek darya bane ek saagarWoh saagar jo behte musafir ko aage bahaata nahin hai jhukole diye jaata hai bas
Jhukole diye jaata haiAur phir jee hi jee mein musafir yeh kehta hai apni kahani nayi to nahin hai
Puraani kahani mein kya lutf aayeHamein aaj kis ne kaha tha puraani kahani sunaao
