ذکر شب فراق سے وحشت اسے بھی تھیمیری طرح کسی سے محبت اسے بھی تھی
مجھ کو بھی شوق تھا نئے چہروں کی دید کارستہ بدل کے چلنے کی عادت اسے بھی تھی
اس رات دیر تک وہ رہا محو گفتگومصروف میں بھی کم تھا فراغت اسے بھی تھی
مجھ سے بچھڑ کے شہر میں گھل مل گیا وہ شخصحالانکہ شہر بھر سے عداوت اسے بھی تھی
وہ مجھ سے بڑھ کے ضبط کا عادی تھا جی گیاورنہ ہر ایک سانس قیامت اسے بھی تھی
سنتا تھا وہ بھی سب سے پرانی کہانیاںشاید رفاقتوں کی ضرورت اسے بھی تھی
تنہا ہوا سفر میں تو مجھ پہ کھلا یہ بھیدسائے سے پیار دھوپ سے نفرت اسے بھی تھی
محسنؔ میں اس سے کہہ نہ سکا یوں بھی حال دلدرپیش ایک تازہ مصیبت اسے بھی تھی
— محسن نقوی
Zikr-e-shab-e-firaaq se wahshat use bhi thiMeri tarah kisi se mohabbat use bhi thi
Mujh ko bhi shauq tha naye chehron ki deed kaRasta badal ke chalne ki aadat use bhi thi
Us raat der tak wo raha mahv-e-guftuguMasroof main bhi kam tha faraaghat use bhi thi
Mujh se bichhaṛ ke shahr mein ghul mil gaya wo shakhsHaalanke shahr bhar se adawat use bhi thi
Wo mujh se baṛh ke zabt ka aadi tha jee gayaWarna har ek saans qayamat use bhi thi
Sunta tha wo bhi sab se puraani kahaniyanShayad rafaqaton ki zaroorat use bhi thi
Tanha hua safar mein to mujh pe khula ye bhedSaaye se pyaar dhoop se nafrat use bhi thi
Mohsinؔ main us se keh na saka yun bhi haal-e-dilDarpesh ek taza museebat use bhi thi