ہر روز نیا حشر سر راہ گزر تھااب تک کا سفر ایک قیامت کا سفر تھا
اندازۂ حالات تھا پہلے ہی سے مجھ کودرپیش جو اب ہے وہ مرے پیش نظر تھا
سنتے ہیں کہ آباد یہاں تھا کوئی کنبہآثار بھی کہتے ہیں یہاں پر کوئی گھر تھا
طے ہم نے کیا سارا سفر یک و تنہاجز گرد سفر کوئی نہ ہم راہ سفر تھا
صد حیف کئی لوگ گئے جاں سے مرے ساتھقاتل کو تو مطلوب فقط میرا ہی سر تھا
میری ہی طرح جاں سے گزر کر چلے آتےکچھ اس سے زیادہ تو نہ رستے میں خطر تھا
رہتا تھا کبھی میری نگاہوں میں شب و روزاک وقت تھا جب وہ مرا محبوب نظر تھا
کیا وہ کوئی جھونکا تھا نسیم سحری کایا رہ گزر خواب پہ خوشبو کا سفر تھا
ہم جا کے کہاں بادیہ پیما ہوئے محسنؔجس دشت میں سبزہ نہ کہیں کوئی شجر تھا
— محسن زیدی
Har roz naya hashr sar-e-raah guzar thaAb tak ka safar ek qayamat ka safar tha
Andaza haalaat tha pehle hi se mujh koDarpesh jo ab hai wo mere pesh-e-nazar tha
Sunte hain ke aabaad yahan tha koi kunbaAasar bhi kehte hain yahan par koi ghar tha
Tai hum ne kiya saara safar yak-o-tanhaJuz gard-e-safar koi na humraah-e-safar tha
Sad haif kayi log gaye jaan se mere saathQatil ko to matloob faqat mera hi sar tha
Meri hi tarah jaan se guzar kar chale aateKuchh is se ziyada to na raste mein khatar tha
Rehta tha kabhi meri nigaahon mein shab-o-rozIk waqt tha jab wo mera mehboob-e-nazar tha
Kya wo koi jhonka tha naseem-e-sehri kaYa rehguzar-e-khwab pe khushboo ka safar tha
Hum ja ke kahan baadiya-paima hue MohsinJis dasht mein sabza na kahin koi shajar tha
