7 اشعار

منزل و سمت سفر سے بے خبر نا آشنا

Manzil o samt-e-safar se bekhabar na-ashna

محسن زیدی
منزل و سمت سفر سے بے خبر نا آشنا

«منزل و سمت سفر سے بے خبر نا آشنا» محسن زیدی کا کلام ہے، جسے امل خان نے سحرِ بیاں کی ایکس سپیس «بچھڑنے والوں میں ہم جس سے آشنا کم تھے محسن زیدی» میں 18 جنوری 2026 کو اپنی آواز میں پیش کیا۔ ریکارڈنگ کا دورانیہ 50 سیکنڈ ہے۔

منزل و سمت سفر سے بے خبر نا آشناہم سفر مجھ کو ملا کیسا سفر نا آشنا

سارے ہی چہرے سبھی دیوار و در نا آشنالگ رہا ہے مجھ کو سارا ہی نگر نا آشنا

شمع اک نامحرم اسرار شب ہنگام شاماک ستارہ آخر شب اور سحر نا آشنا

موج تیز و تند سے اٹھکھیلیاں کرتی ہوئیاپنے برگ و بار سے شاخ شجر نا آشنا

یہ تو دنیا ہے بدلتی رہتی ہے اس کی نظرجس قدر یہ آشنا ہے اس قدر نا آشنا

اس نگاہ ناز کو اپنی طرف سمجھا کیےمنکشف پھر یہ ہوا ہم تھے نظر نا آشنا

کیا جھکے گا اب کسی کے در پہ محسنؔ اپنا سرزندگی بھر تو رہا سجدے سے سر نا آشنا

— محسن زیدی

کس نے پڑھا

یہ کلام محفلوں میں

امل خانبچھڑنے والوں میں ہم جس سے آشنا کم تھے محسن زیدی