تماشائی تو ہیں تماشا نہیں ہے – مبارک عظیم آبادی

تماشائی تو ہیں تماشا نہیں ہےگرا ہے وہ پردہ کہ اٹھتا نہیں ہے

یہ کس کی نظر دے گئی روگ یاربسنبھالے سے اب دل سنبھلتا نہیں ہے

تڑپ جائیے گا تڑپ جائیے گاتڑپنا ہمارا تماشا نہیں ہے

بہت پھانس نکلی بہت خار نکلےمگر دل کا کانٹا نکلتا نہیں ہے

یہ ہر شخص کی لن ترانی ہے کیسیکہ ہر آنکھ تو چشم موسیٰ نہیں ہے

سلامت مری وحشت دل سلامتکہاں میری وحشت کا چرچا نہیں ہے

مری جان بھی ہے عنایت تمہارییہ دل بھی تمہارا ہے میرا نہیں ہے

بلائی گئی ان کی محفل میں دنیامگر ایک میرا بلاوا نہیں ہے

ذرا آپ سمجھایئے دل کو ناصحمیں سمجھا رہا ہوں سمجھتا نہیں ہے

تمہیں دیکھنے کو ترستی ہیں آنکھیںبہت دن ہوئے تم کو دیکھا نہیں ہے

— مبارک عظیم آبادی

کس نے پڑھا

یہ کلام محفلوں میں