گدا دست اہل کرم دیکھتے ہیںہم اپنا ہی دم اور قدم دیکھتے ہیں
نہ دیکھا جو کچھ جام میں جم نے اپنےسو یک قطرۂ مے میں ہم دیکھتے ہیں
یہ رنجش میں ہم کو ہے بے اختیاریتجھے تیری کھا کر قسم دیکھتے ہیں
غرض کفر سے کچھ نہ دیں سے ہے مطلبتماشائے دیر و حرم دیکھتے ہیں
حباب لب جو ہیں اے باغباں ہمچمن کو ترے کوئی دم دیکھتے ہیں
نوشتے کو میرے مٹاتے ہیں رو روملائک جو لوح و قلم دیکھتے ہیں
مٹا جائے ہے حرف حرف آنسوؤں سےجو نامہ اسے کر رقم دیکھتے ہیں
اکڑ سے نہیں کام سنبل کی ہم کوکسی زلف کا پیچ و خم دیکھتے ہیں
خدا دشمنوں کو نہ وہ کچھ دکھائےجو کچھ دوست سے اپنے ہم دیکھتے ہیں
ستم سے کیا تو نے ہم کو جو خوگرکرم سے ترے ہم ستم دیکھتے ہیں
مگر تجھ سے رنجیدہ خاطر ہے سوداؔاسے تیرے کوچے میں کم دیکھتے ہیں
— محمد رفیع سودا
Gada dast-e-ahl-e-karam dekhte hainHum apna hi dam aur qadam dekhte hain
Na dekha jo kuch jaam mein Jam ne apneSo yak qatra-e-may mein hum dekhte hain
Yeh ranjish mein hum ko hai be-ikhtiyaariTujhe teri kha kar qasam dekhte hain
Gharaz kufr se kuch na deen se hai matlabTamasha-e-dair o haram dekhte hain
Habaab-e-lab-e-jo hain aye baaghbaan humChaman ko tere koi dam dekhte hain
Nawishte ko mere mitate hain ro roMalaik jo loh o qalam dekhte hain
Mita jaaye hai harf harf aansuon seJo naama use kar raqam dekhte hain
Akkad se nahin kaam sunbul ki hum koKisi zulf ka pech o kham dekhte hain
Khuda dushmanon ko na woh kuch dikhaayeJo kuch dost se apne hum dekhte hain
Sitam se kiya tu ne hum ko jo khugarKaram se tere hum sitam dekhte hain
Magar tujh se ranjida khaatir hai SaudaUse tere kuche mein kam dekhte hain
