جاگ اے نرم نگاہی کے پر اسرار سکوتآج بیمار پہ یہ رات بہت بھاری ہے
جو خود اپنے ہی سلاسل میں گرفتار رہےان خداؤں سے مرے غم کی دوا کیا ہوگی
سوچتے سوچتے تھک جائیں گے نیلے ساگرجاگتے جاگتے سو جائے گا مدھم آکاش
اس چھلکتی ہوئی شبنم کا ذرا سا قطرہکسی معصوم سے رخسار پہ جم جائے گا
ایک تارا نظر آئے گا کسی چلمن میںایک آنسو کسی بستر پہ بکھر جائے گا
ہاں مگر تیرا یہ بیمار کدھر جائے گامیں نے اک نظم میں لکھا تھا کہ اے روح وفا
چارہ سازی ترے ناخن کی رہین منتغم گساری تری پلکوں کی روایات میں ہے
ایک چھوٹی ہی سی امید طرب زار سہیایک جگنو کا اجالا مری برسات میں ہے
لذت عارض و لب ساعت تکمیل وصالمیری تقدیر میں ہے اور تری بات میں ہے
دیر سے، کعبے سے، ادراک سے بھی اکتا کرآج تک دل کو اجالے کی طلب ہوتی ہے
ایک دن آئے گا جب اور بھی عریاں ہو کرآدمی جینے کو تھوڑی سی ضیا مانگے گا
گیت کے، پھول کے، اشعار کے، افسانوں کےآج تک ہم نے بنائے ہیں کھلونے کتنے
یہ کھلونے بھی نہ ہوتے تو ہمارا بچپنسوچتا ہوں کہ گزرتا تو گزرتا کیسے
آدمی زیست کے سیلاب سے لڑتے لڑتےبیچ منجدھار میں آتا تو ابھرتا کیسے
دیر سے روح پہ اک خواب گراں طاری ہےآج بیمار پہ یہ رات بہت بھاری ہے
آج پھر دوش تمنا پہ ہے دل کا تابوتجاگ اے نرم نگاہی کے مسیحانہ سکوت
ورنہ انسان کی فطرت کا تلون مت پوچھاس سن و سال کا مغرور لڑکپن مت پوچھ
آدمی تیری اس افتاد سے بد دل ہو کراور دو چار خداؤں کے علم پوجے گا
اور اک روز اس انداز سے بھی اکتا کراپنے بے نام خیالوں کے صنم پوجے گا
— مصطفی زیدی
Jaag ae narm nigaahi ke pur-asraar sukootAaj beemaar pe yeh raat bahut bhaari hai
Jo khud apne hi salaasil mein giraftaar raheUn khudaaon se mere gham ki davaa kya hogi
Sochte sochte thak jaayenge neele saagarJaagte jaagte so jaayega madham aakash
Is chhalkati hui shabnam ka zara sa qatraKisi masoom se rukhsar pe jam jaayega
Ek taara nazar aayega kisi chilman meinEk aansoo kisi bistar pe bikhar jaayega
Haan magar tera yeh beemaar kidhar jaayegaMaine ik nazm mein likha tha ke ae rooh-e-wafa
Chaara saazi tere naakhun ki raheen-e-minnatGham gusaari teri palkon ki rivaayat mein hai
Ek choti hi si umeed-e-tarab-zaar sahiEk jugnu ka ujaala meri barsaat mein hai
Lazzat-e-aariz-o-lab, saa'at-e-takmeel-e-visaalMeri taqdeer mein hai aur teri baat mein hai
Der se, Kaabe se, idraak se bhi ukta karAaj tak dil ko ujaale ki talab hoti hai
Ek din aayega jab aur bhi uriyaan ho karAadmi jeene ko thodi si ziya mange ga
Geet ke, phool ke, ash'aar ke, afsaanon keAaj tak hum ne banaye hain khilone kitne
Yeh khilone bhi na hote toh hamaara bachpanSochta hoon ke guzarta toh guzarta kaise
Aadmi zeest ke sailaab se ladte ladteBeech manjhdhaar mein aata toh ubharta kaise
Der se rooh pe ik khwab-e-giraan taari haiAaj beemaar pe yeh raat bahut bhaari hai
Aaj phir dosh-e-tamanna pe hai dil ka taabootJaag ae narm nigaahi ke maseehaana sukoot
Warna insaan ki fitrat ka talavvun mat poochhIs sin-o-saal ka maghroor ladakpan mat poochh
Aadmi teri is iftaad se bad-dil ho karAur do chaar khudaaon ke alam pooje ga
Aur ik roz is andaaz se bhi ukta karApne be-naam khayalon ke sanam pooje ga
