ازل سے ایک ہجر کا اسیر ہے،اخیر ہےیہ دل بھی کیا لکیر کا فقیر ہے،اخیر ہے
ہمارے ساتھ حادثہ بھی دفعتا" نہیں ہواجو ہاتھ میں نصیب کی لکیر ہے،اخیر ہے
ہمارے قتل پر ہمیں ہی دوش دے رہے ہیں آپجناب من جو آپ کا ضمیر ہے،اخیر ہے
اسی طرف بھڑک رہی ہے آگ زور شور سےاسی طرف ہی روشنی کثیر ہے، اخیر ہے
اسی لیے اسیر ہوں میں سر زمینِ جھنگ کاسنا ہے میں نے جھنگ کی جو ہیر ہے،اخیر ہے
ہرا رہے گا عمر بھر جو زخم آپ سے ملاجناب کی کمان میں جو تیر ہے،اخیر ہے
بہار نے کیا بھی تو خزاؤں کا بھلا کیایہ زندگی بھی موت کی سفیر ہے،اخیر ہے
چھڑی ہے میر کی غزل سجی ہے بزمِ مے کشاںبنا ہوا ہے جو سماں اخیر ہے،اخیر ہے
قریب ہے دلِ حزیں پہ شعر کا نزول ہوکہ رو برو جو حسنِ دلپذیر ہے،اخیر ہے
— نا معلوم
Azal se ek hijr ka aseer hai, akheer haiYeh dil bhi kya lakeer ka faqeer hai, akheer hai
Hamare saath hadisa bhi daf'atan nahi huaJo haath mein naseeb ki lakeer hai, akheer hai
Hamare qatl par hameiN hi dosh de rahe hain aapJanab-e-man jo aap ka zameer hai, akheer hai
Isi taraf bhadak rahi hai aag zor shor seIsi taraf hi roshni kaseer hai, akheer hai
Isi liye aseer hoon main sarzameen-e-Jhang kaSuna hai main ne Jhang ki jo Heer hai, akheer hai
Hara rahega umr bhar jo zakhm aap se milaJanab ki kamaan mein jo teer hai, akheer hai
Bahar ne kya bhi to khizaaon ka bhala kiyaYeh zindagi bhi maut ki safeer hai, akheer hai
Chhidi hai Meer ki ghazal saji hai bazm-e-mai-kashaaNBana hua hai jo samaaN akheer hai, akheer hai
Qareeb hai dil-e-hazin pe sher ka nazool hoKe roo-ba-roo jo husn-e-dilpazeer hai, akheer hai
