14 اشعار

مجھ کو سمجھو یادگار رفتگان لکھنؤ

Mujh ko samjho yaadgar-e-raftagaan Lucknow

«مجھ کو سمجھو یادگار رفتگان لکھنؤ» نظم طباطبائی کا کلام ہے، جسے یہاں آواز میں بھی سنا جا سکتا ہے۔ ریکارڈنگ کا دورانیہ 2 منٹ 4 سیکنڈ ہے۔

مجھ کو سمجھو یادگار رفتگان لکھنؤہوں قد آدم غبار کاروان لکھنؤ

خون حسرت کہہ رہا ہے داستان لکھنؤرہ گیا ہے اب یہی رنگیں بیان لکھنؤ

گوش عبرت سے سنے کوئی مری فریاد ہےبلبل خونیں نوائے بوستان لکھنؤ

میرے ہر آنسو میں اک آئینۂ تصویر ہےمیرے ہر نالہ میں ہے طرز فغان لکھنؤ

ڈھونڈھتا ہے اب کسے لے کر چراغ آفتابکیوں مٹایا اے فلک تو نے نشان لکھنؤ

لکھنؤ جن سے عبارت تھی ہوئے وہ ناپدیدہے نشان لکھنؤ باقی نہ شان لکھنؤ

اب نظر آتا نہیں وہ مجمع اہل کمالکھا گئے ان کو زمین و آسمان لکھنؤ

پہلے تھا اہل زباں کا دور اب گردش میں ہیںچاہئے تھی تیغ اردو کو فسان لکھنؤ

مرثیہ گو کتنے یکتائے زمانہ تھے یہاںکوئی تو اتنوں میں ہوتا نوحہ خوان لکھنؤ

یہ غبار ناتواں خاکستر پروانہ ہےخاندان اپنا تھا شمع دودمان لکھنؤ

چلتا تھا جب گھٹنیوں اپنے یہاں طفل رضیعسجدہ کرتے تھے اسے گردن کشان لکھنؤ

عہد پیرانہ سری میں کیوں نہ شیریں ہو سخنبچپنے میں میں نے چوسی ہے زبان لکھنؤ

گلشن فردوس پر کیا ناز ہے رضواں تجھےپوچھ اس کے دل سے جو ہے رتبہ دان لکھنؤ

بوئے انس آتی ہے حیدرؔ خاک مٹیا برج سےجمع ہیں اک جا وطن آوارگان لکھنؤ

— نظم طباطبائی