وہی نرم لہجہجو اتنا ملائم ہے جیسے
دھنک گیت بن کے سماعت کو چھونے لگی ہوشفق نرم کومل سروں میں کوئی پیار کی بات کہنے چلی ہو
کس قدر رنگ و آہنگ کا کس قدر خوب صورت سفروہی نرم لہجہ
کبھی اپنے مخصوص انداز میں مجھ سے باتیں کرے گاتو ایسا لگے
جیسے ریشم کے جھولے پہ کوئی مدھر گیت ہلکورے لینے لگا ہووہی نرم لہجہ
کسی شوخ لمحے میں اس کی ہنسی بن کے بکھرےتو ایسا لگے
جیسے قوس قزح نے کہیں پاس ہی اپنی پازیب چھنکائی ہےہنسی کو وہ رم جھم
کہ جیسے فضا میں بنفشی چمکدار بوندوں کے گھنگھرو چھنکنے لگے ہوںکہ پھر
اس کی آواز کا لمس پا کےہواؤں کے ہاتھوں میں ان دیکھے کنگن کھنکنے لگے ہوں
وہی نرم لہجہ مجھے چھیڑنے پر جب آئےتو ایسا لگے گا
جیسے ساون کی چنچل ہواسبز پتوں کے جھانجھن پہن
سرخ پھولوں کی پائل بجاتی ہوئیمیرے رخسار کو
گاہے گاہے شرارے سے چھونے لگےمیں جو دیکھوں پلٹ کے تو وہ
بھاگ جائے مگردور پیڑوں میں چھپ کر ہنسے
اور پھر ننھے بچوں کی مانند خوش ہو کے تالی بجانے لگےوہی نرم لہجہ
کہ جس نے مرے زخم جاں پہ ہمیشہ شگفتہ گلابوں کی شبنم رکھی ہےبہاروں کے پہلے پرندے کی مانند ہے
جو سدا آنے والے نئے سکھ کے موسم کا قاصد بنا ہےاسی نرم لہجے نے پھر مجھ کو آواز دی ہے
— پروین شاکر
Wahi narm lehjaJo itna mulaim hai jaise
Dhanak geet ban ke sama'at ko chhone lagi hoShafaq narm komal suron mein koi pyar ki baat kehne chali ho
Kis qadar rang-o-aahang ka kis qadar khoobsoorat safarWahi narm lehja
Kabhi apne makhsoos andaaz mein mujh se baatein karegaToh aisa lage
Jaise resham ke jhoole pe koi madhur geet halkore lene laga hoWahi narm lehja
Kisi shokh lamhe mein us ki hansi ban ke bikhreToh aisa lage
Jaise qaus-e-qaza ne kahin paas hi apni paazeb chhankaayi haiHansi ko woh rim jhim
Ke jaise fiza mein banafshi chamakdar boondon ke ghunghroo chhankaney lage honKe phir
Us ki awaaz ka lams pa keHawaon ke haathon mein un-dekhe kangan khankhanne lage hon
Wahi narm lehja mujhe chhedne par jab aayeToh aisa lagega
Jaise sawan ki chanchal hawaSabz patton ke jhanjhan pehan
Surkh phoolon ki payal bajati huiMere rukhsar ko
Gahe gahe sharare se chhone lageMain jo dekhun palat ke toh woh
Bhaag jaaye magarDoor pedon mein chhup kar hanse
Aur phir nanhe bachon ki manind khush ho ke taali bajane lageWahi narm lehja
Ke jis ne mere zakhm-e-jaan pe hamesha shagufta gulabon ki shabnam rakhi haiBaharon ke pehle parinde ki manind hai
Jo sada aane wale naye sukh ke mausam ka qasid bana haiUsi narm lehje ne phir mujhe awaaz di hai
