حالات کے قدموں پہ قلندر نہیں گرتاٹوٹے بھی جو تارا تو زمیں پر نہیں گرتا
گرتے ہیں سمندر میں بڑے شوق سے دریالیکن کسی دریا میں سمندر نہیں گرتا
سمجھو وہاں پھل دار شجر کوئی نہیں ہےوہ صحن کہ جس میں کوئی پتھر نہیں گرتا
اتنا تو ہوا فائدہ بارش کی کمی کااس شہر میں اب کوئی پھسل کر نہیں گرتا
انعام کے لالچ میں لکھے مدح کسی کیاتنا تو کبھی کوئی سخن ور نہیں گرتا
حیراں ہے کئی روز سے ٹھہرا ہوا پانیالاب میں اب کیوں کوئی کنکر نہیں گرتا
اس بندۂ خوددار پہ نبیوں کا ہے سایہجو بھوک میں بھی لقمۂ تر پر نہیں گرتا
کرنا ہے جو سر معرکۂ زیست تو سن لےبے بازوئے حیدر در خیبر نہیں گرتا
قائم ہے قتیلؔ اب یہ مرے سر کے ستوں پربھونچال بھی آئے تو مرا گھر نہیں گرتا
— قتیل شفائی
Halaat ke qadmon pe qalandar nahin girtaToote bhi jo tara to zameen par nahin girta
Girte hain samandar mein bade shauq se daryaLekin kisi darya mein samandar nahin girta
Samjho wahan phal daar shajar koi nahin haiWoh sehn ke jis mein koi patthar nahin girta
Itna to hua faayda baarish ki kami kaIs shehar mein ab koi phisal kar nahin girta
Inaam ke laalach mein likhe madh kisi kiItna to kabhi koi sukhanwar nahin girta
Hairaan hai kai roz se thehra hua paaniAlaab mein ab kyun koi kankar nahin girta
Is banda-e-khuddar pe nabiyon ka hai saayaJo bhook mein bhi luqma-e-tar par nahin girta
Karna hai jo sar marka-e-zeest to sun leBe bazoo-e-Haider dar-e-Khaibar nahin girta
Qaim hai Qateel ab yeh mere sar ke sutoon parBhonchal bhi aaye to mera ghar nahin girta
