جب تصور میرا چُپکے سے تجھے چھُو آئےاپنی ہر سانس سے مجھ کو تیری خوشبو آئے
مشغلہ اب ہے میرا چاند کو تکتے رہنارات بھر چین نہ مجھ کو کسی پہلو آئے
پیار نے ہم میں کوئی فرق نہ چھوڑا باقیجھیل میں عکس تو میرا ہو، نظر تُو آئے
جب کبھی گردشِ دوراں نے ستایا مجھ کومیری جانب تیرے پھیلے ہوئے بازو آئے
جب بھی سوچا کہ شبِ ہجر نہ ہو گی روشنمجھ کو سمجھانے تیری یاد کے جگنو آئے
کتنا حساس میری آس کا سنّاٹا ہےکہ خموشی بھی جہاں باندھ کے گھنگرو آئے
مجھ سے ملنے کو سرِشام کوئی سایہ ساتیرے آنگن سے چلے اور لبِ جو آئے
اُس کے لہجے کا اثر تو ہے بڑی بات قتیلؔوہ تو آنکھوں سے بھی کرتا ہوا جادو آئے
— قتیل شفائی
Jab tasawwur mera chupke se tujhe chhu aayeApni har saans se mujh ko teri khushboo aaye
Mashghala ab hai mera chaand ko takte rehnaRaat bhar chain na mujh ko kisi pehlu aaye
Pyaar ne hum mein koi farq na chhoda baqiJheel mein aks to mera ho, nazar tu aaye
Jab kabhi gardish-e-dauraan ne sataya mujh koMeri jaanib tere phayle hue baazu aaye
Jab bhi socha ke shab-e-hijr na ho gi roshanMujh ko samjhane teri yaad ke jugnu aaye
Kitna hassaas meri aas ka sannata haiKe khamoshi bhi jahan baandh ke ghungroo aaye
Mujh se milne ko sar-e-shaam koi saaya saTere aangan se chale aur lab-e-ju aaye
Us ke lehje ka asar to hai badi baat QateelWoh to aankhon se bhi karta hua jaadu aaye
