ان سے پہلی سی ملاقات نہیں ہوتی ہےنظریں ملتی ہیں مگر بات نہیں ہوتی ہے
دل جلوں کے لئے گھبرا کے غم فرقت سےجان دے دینا بڑی بات نہیں ہوتی ہے
مل گیا مجھ کو جو ملنا تھا تری الفت میںغم سے بڑھ کر کوئی سوغات نہیں ہوتی ہے
مجھ کو لے چل دل بیتاب وہاں پر کہ جہاںدن ہی رہتا ہے اور رات نہیں ہوتی ہے
تاڑنے کا نہیں تم ہی کو سلیقہ ورنہکب نظر حائل جذبات نہیں ہوتی ہے
جان دینا جسے آتا ہو رہ الفت میںاس کی قسمت میں کبھی مات نہیں ہوتی ہے
دن تو کٹ جاتا ہے فرقت کا مگر اے ساحرؔکسی صورت سے بسر رات نہیں ہوتی ہے
— ساحر بھوپالی
Un se pehli si mulaqaat nahin hoti haiNazrein milti hain magar baat nahin hoti hai
Dil jalon ke liye ghabra ke gham-e-furqat seJaan de dena badi baat nahin hoti hai
Mil gaya mujh ko jo milna tha teri ulfat meinGham se badh kar koi sauqaat nahin hoti hai
Mujh ko le chal dil-e-betaab wahan par ke jahanDin hi rehta hai aur raat nahin hoti hai
Taadne ka nahin tum hi ko saleeqa warnaKab nazar haail-e-jazbaat nahin hoti hai
Jaan de dena jise aata ho rah-e-ulfat meinUs ki qismat mein kabhi maat nahin hoti hai
Din to kat jaata hai furqat ka magar ae SahirKisi soorat se basar raat nahin hoti hai
