محبت میں نہ جانے کیوں ہمیں فرصت زیادہ ہےہمارا کام تھوڑا ہے مگر مہلت زیادہ ہے
ہمیں اس عالم ہجراں میں بھی رک رک کے چلنا ہےانہیں جانے دیا جائے جنہیں عجلت زیادہ ہے
یہ دل باہر دھڑکتا ہے یہ آنکھ اندر کو کھلتی ہےہم ایسے مرحلے میں ہیں جہاں زحمت زیادہ ہے
سو ہم فریادیوں کی ایک اپنی صف الگ سے ہوہمارا مسئلہ یہ ہے ہمیں حیرت زیادہ ہے
سمجھ پائے نہیں دیکھے بغیر اس کا نظر آنامشقت کم سے کم کی تھی مگر اجرت زیادہ ہے
تماشا گاہ چاروں سمت سے پر شور ہے یعنیکہیں جلوت زیادہ ہے کہیں خلوت زیادہ ہے
تجھے حلقہ بہ حلقہ کھینچتے پھرتے ہیں دنیا میںسو اے زنجیر پا یوں بھی تری شہرت زیادہ ہے
یہ ساری آمد و رفت ایک جیسی تو نہیں شاہینؔکہ دنیا میں سفر کم کم ہے اور ہجرت زیادہ ہے
— شاہین عباس
Mohabbat mein na jaane kyon hamein fursat zyada haiHamara kaam thoda hai magar mohlat zyada hai
Hamein is alam-e-hijraan mein bhi ruk ruk ke chalna haiUnhein jaane diya jaaye jinhein ujlat zyada hai
Yeh dil bahar dhadakta hai yeh aankh andar ko khulti haiHum aise marhale mein hain jahan zehmat zyada hai
So hum fariyaadiyon ki ek apni saf alag se hoHamara masla yeh hai hamein hairat zyada hai
Samajh paaye nahin dekhe baghair us ka nazar aanaMashaqqat kam se kam ki thi magar ujrat zyada hai
Tamaasha gaah chaaron simt se pur-shor hai yaaniKahin jalwat zyada hai kahin khalwat zyada hai
Tujhe halqa ba halqa khenchte phirte hain duniya meinSo aye zanjeer-e-pa yoon bhi teri shohrat zyada hai
Yeh saari aamad-o-raft ek jaisi to nahin ShaheenKe duniya mein safar kam kam hai aur hijrat zyada hai
