مجھے ڈھائے چلا جا مجھ کو بنائے چلا جادل لگانا تجھے آتا ہے لگائے چلا جا
میرے قدموں سے تو دو چار قدم پیچھے چلمیرے گرتے ہوئے لمحوں کو اٹھائے چلا جا
نا میسر کا بھی ہو نام میسر کا بھیمیں بلائے چلا جاتا ہوں تو آئے چلا جا
ہم کہ جلنے پہ بھی تیار ہیں ڈھلنے پر بھیکام جیسے ترا چلتا ہے چلائے چلا جا
اے مرے غائب و غرقاب یہ حق تیرا ہےجتنی اٹھ سکتی ہے یہ لہر اٹھائے چلا جا
اب ترے دیکھنے والوں میں کوئی ہے کہ نہیںمیں نہ کہتا تھا مری خاک اڑائے چلا جا
سب تماشہ مرے ذمے ہے مرے جسم نژادتو نے بس وقت بتانا ہے بتائے چلا جا
یہ تری دھن میں جو گزرے تو گزرنا آ جائےاس زمیں زاد کو اتنا تو سدھائے چلا جا
— شاہین عباس
Mujhe dhaaye chala ja mujh ko banaye chala jaDil lagana tujhe aata hai lagaye chala ja
Mere qadmon se tu do chaar qadam peeche chalMere girte hue lamhon ko uthaye chala ja
Na muyassar ka bhi ho naam muyassar ka bhiMain bulaye chala jata hoon tu aaye chala ja
Hum ke jalne pe bhi tayyar hain dhalne par bhiKaam jaise tera chalta hai chalaye chala ja
Aye mere ghaib o gharqaab ye haq tera haiJitni uth sakti hai ye lehar uthaye chala ja
Ab tere dekhne walon mein koi hai ke nahinMain na kehta tha meri khaak udaaye chala ja
Sab tamasha mere zimme hai mere jism nizaadTu ne bas waqt batana hai bataye chala ja
Ye teri dhun mein jo guzre to guzarna aa jaayeIs zameen zad ko itna to sudhaye chala ja
