تری تلاش تو کیا تیری آس بھی نہ رہےعجب نہیں کہ کسی دن یہ پیاس بھی نہ رہے
ہر ایک سمت خلا ہی خلا نظر آئیںخرابۂ دل ویراں میں یاس بھی نہ رہے
غم فراق کی تلخی وہ دشت ہے کہ جہاںکوئی قریب تو کیا آس پاس بھی نہ رہے
ترا خیال ہی پر تول کر اڑا لے جائےکوئی امید شریک حواس بھی نہ رہے
تمام رنگ ہے خوشبو تمام خوشبو رنگگلوں سے رنگ اڑا لیں تو باس بھی نہ رہے
لٹا ہے قافلۂ آگہی دوراہے پرزمانہ ساز تو کیا خود شناس بھی نہ رہے
کسی طریق سے شہزادؔ دل کو سمجھا لیںنہ مسکرائے مگر یوں اداس بھی نہ رہے
— شہزاد احمد
Teri talash to kya teri aas bhi na raheAjab nahin ke kisi din yeh pyaas bhi na rahe
Har ek simt khala hi khala nazar aayeinKharaba-e-dil veeran mein yaas bhi na rahe
Gham-e-firaq ki talkhi woh dasht hai ke jahanKoi qareeb to kya aas paas bhi na rahe
Tera khayal hi par tol kar uda le jayeKoi umeed shareek-e-hawaas bhi na rahe
Tamaam rang hai khushboo tamaam khushboo rangGulon se rang uda lein to baas bhi na rahe
Luta hai qafila-e-aagahi do-rahe parZamana-saaz to kya khud-shanas bhi na rahe
Kisi tareeq se Shehzad dil ko samjha leinNa muskuraye magar yoon udaas bhi na rahe
