یوں خاک کی مانند نہ راہوں پہ بکھر جاکرنوں کی طرح جھیل کے سینے میں اتر جا
مت بھول کہ اب بھی ہے تری گھات میں صیادسنتا ہے کوئی پاؤں کی آواز ٹھہر جا
مت دیکھ تمنا کی طرف آنکھ اٹھا کراندھوں کی طرح نور کے دریا سے گزر جا
منزل کی طلب اپنی طرف کھینچ رہی ہےاور رات مسافر سے یہ کہتی ہے کہ گھر جا
اتنا تو سمجھ کیا ہے تری راہ میں حائلآہو کی طرح اپنے ہی سائے سے نہ ڈر جا
شاید کہ کوئی برہنہ پا ہو ترے پیچھےجاتے ہوئے اس راہ کو کانٹوں سے نہ بھر جا
پتھر نہیں آنکھیں تو یہ آنسو ہیں بڑی چیزبھیگے ہوئے پھولوں کی طرح اور نکھر جا
یا دشت میں اس بزم کی رونق کو نہ کر یادیا شہر کی دیوار سے سر پھوڑ کے مر جا
اک عمر سے رویا ہوں نہ تڑپا ہوں میں شہزادؔاحساس کا بادل کبھی برسا ہے نہ گرجا
— شہزاد احمد
Yun khak ki manind na raahon pe bikhar jaKirnon ki tarah jheel ke seene mein utar ja
Mat bhool ke ab bhi hai teri ghaat mein sayyadSunta hai koi paon ki aawaz thehar ja
Mat dekh tamanna ki taraf aankh utha karAndhon ki tarah noor ke darya se guzar ja
Manzil ki talab apni taraf kheench rahi haiAur raat musafir se ye kahti hai ke ghar ja
Itna to samajh kya hai teri raah mein ha'ilAahu ki tarah apne hi saaye se na dar ja
Shayad ke koi barhana pa ho tere peechheJaate hue is raah ko kaanton se na bhar ja
Patthar nahin aankhen to ye aansoo hain baṛi cheezBheege hue phoolon ki tarah aur nikhar ja
Ya dasht mein us bazm ki raunaq ko na kar yaadYa shahar ki deewar se sar phoṛ ke mar ja
Ek umar se roya hoon na taṛpa hoon main ShehzadEhsaas ka badal kabhi barsa hai na garja
