سونا آنگن نیند میں ایسے چونک اٹھا ہے

سونا آنگن نیند میں ایسے چونک اٹھا ہےسوتے میں بھی جیسے کوئی سسکی لیتا ہے

گھر میں تو اس ماحول کا میں عادی ہوں لیکنبازاروں کی ویرانی سے دم گھٹتا ہے

مدت سے میں سوچ رہا تھا اب سمجھا ہوںجیب اور آنکھ کے خالی پن میں کیا رشتہ ہے

اتنے لوگ مجھے رخصت کرنے آئے ہیںگھر واپس جانا بھی تماشا سا لگتا ہے

لوگ تو اپنی جانب سے کچھ جوڑ ہی لیں گےاتنی ادھوری باتیں ہیں وہ کیوں کرتا ہے

اپنی کیا ان رستوں کے بارے میں سوچوںان کا سفر تو میری عمر سے بھی لمبا ہے

اس کی آنکھوں سے اوجھل مت ہونا شارقؔپیچھا کرنے والا بہت تنہا ہوتا ہے

— شارق کیفی