سمندر میں اترتا ہوں تو آنکھیں بھیگ جاتی ہیںتری آنکھوں کو پڑھتا ہوں تو آنکھیں بھیگ جاتی ہیں
تمہارا نام لکھنے کی اجازت چھن گئی جب سےکوئی بھی لفظ لکھتا ہوں تو آنکھیں بھیگ جاتی ہیں
تری یادوں کی خوشبو کھڑکیوں میں رقص کرتی ہےترے غم میں سلگتا ہوں تو آنکھیں بھیگ جاتی ہیں
نہ جانے ہو گیا ہوں اس قدر حساس میں کب سےکسی سے بات کرتا ہوں تو آنکھیں بھیگ جاتی ہیں
میں سارا دن بہت مصروف رہتا ہوں مگر جوں ہیقدم چوکھٹ پہ رکھتا ہوں تو آنکھیں بھیگ جاتی ہیں
ہر اک مفلس کے ماتھے پر الم کی داستانیں ہیںکوئی چہرہ بھی پڑھتا ہوں تو آنکھیں بھیگ جاتی ہیں
بڑے لوگوں کے اونچے بد نما اور سرد محلوں کوغریب آنکھوں سے تکتا ہوں تو آنکھیں بھیگ جاتی ہیں
ترے کوچے سے اب میرا تعلق واجبی سا ہےمگر جب بھی گزرتا ہوں تو آنکھیں بھیگ جاتی ہیں
زاروں موسموں کی حکمرانی ہے مرے دل پروصیؔ میں جب بھی ہنستا ہوں تو آنکھیں بھیگ جاتی ہیں
— وصی شاہ
Samundar mein utarta hoon to aankhein bheeg jaati hainTeri aankhon ko padhta hoon to aankhein bheeg jaati hain
Tumhara naam likhne ki ijazat chhin gayi jab seKoi bhi lafz likhta hoon to aankhein bheeg jaati hain
Teri yaadon ki khushboo khidkiyon mein raqs karti haiTere gham mein sulagta hoon to aankhein bheeg jaati hain
Na jaane ho gaya hoon is qadar hassaas main kab seKisi se baat karta hoon to aankhein bheeg jaati hain
Main saara din bahut masroof rehta hoon magar joon hiQadam chaukhat pe rakhta hoon to aankhein bheeg jaati hain
Har ik muflis ke maathe par alam ki daastanein hainKoi chehra bhi padhta hoon to aankhein bheeg jaati hain
Bade logon ke oonche badnuma aur sard mehloN koGhareeb aankhon se takta hoon to aankhein bheeg jaati hain
Tere kooche se ab mera talluq waajibi sa haiMagar jab bhi guzarta hoon to aankhein bheeg jaati hain
Zaaron mausamon ki hukmarani hai mere dil parWasi main jab bhi hansta hoon to aankhein bheeg jaati hain
