تھی نیند میری مگر اس میں خواب اس کا تھابدن مرا تھا بدن میں عذاب اس کا تھا
سفینے چند خوشی کے ضرور اپنے تھےمگر وہ سیل غم بے حساب اس کا تھا
دئیے بجھے تو ہوا کو کیا گیا بد نامقصور ہم نے کیا احتساب اس کا تھا
یہ کس حساب سے کی تو نے روشنی تقسیمستارے مجھ کو ملے ماہتاب اس کا تھا
فلک پہ کرچیاں آنکھوں میں موتیا آنسوجو ریزہ ریزہ ہوا آفتاب اس کا تھا
مری ذرا سی چمک کو کڑک نے ٹوک دیاسوال تجھ سے کیا تھا جواب اس کا تھا
کھلی کتاب تھی پھولوں بھری زمیں میریکتاب میری تھی رنگ کتاب اس کا تھا
— وزیر آغا
Thi neend meri magar us mein khwab uska thaBadan mera tha badan mein azaab uska tha
Safeene chand khushi ke zaroor apne theMagar woh sail-e-gham be-hisab uska tha
Diye bujhe to hawa ko kiya gaya badnaamQasoor humne kiya ehtesaab uska tha
Yeh kis hisab se ki tu ne roshni taqseemSitare mujh ko mile mahtab uska tha
Falak pe kirchiyan aankhon mein motiya aansooJo reza reza hua aaftab uska tha
Meri zara si chamak ko kadak ne tok diyaSawal tujh se kiya tha jawab uska tha
Khuli kitab thi phoolon bhari zameen meriKitab meri thi rang-e-kitab uska tha
