خامشی اچھی نہیں انکار ہونا چاہئےیہ تماشا اب سر بازار ہونا چاہئے
خواب کی تعبیر پر اصرار ہے جن کو ابھیپہلے ان کو خواب سے بیدار ہونا چاہئے
ڈوب کر مرنا بھی اسلوب محبت ہو تو ہووہ جو دریا ہے تو اس کو پار ہونا چاہئے
اب وہی کرنے لگے دیدار سے آگے کی باتجو کبھی کہتے تھے بس دیدار ہونا چاہئے
بات پوری ہے ادھوری چاہئے اے جان جاںکام آساں ہے اسے دشوار ہونا چاہئے
دوستی کے نام پر کیجے نہ کیونکر دشمنیکچھ نہ کچھ آخر طریق کار ہونا چاہئے
جھوٹ بولا ہے تو قائم بھی رہو اس پر ظفرؔآدمی کو صاحب کردار ہونا چاہئے
— ظفراقبال
Khamoshi achhi nahin inkaar hona chahiyeYeh tamasha ab sar-e-bazaar hona chahiye
Khwab ki ta'beer par israar hai jin ko abhiPehle un ko khwab se bedaar hona chahiye
Doob kar marna bhi usloob-e-mohabbat ho toh hoWoh jo darya hai toh us ko paar hona chahiye
Ab wohi karne lage deedaar se aage ki baatJo kabhi kehte the bas deedaar hona chahiye
Baat poori hai adhoori chahiye ay jaan-e-jaanKaam aasaan hai use dushwaar hona chahiye
Dosti ke naam par keejiye na kyun kar dushmaniKuch na kuch aakhir tareeq-e-kaar hona chahiye
Jhoot bola hai toh qaayam bhi raho us par Zafar!Aadmi ko sahib-e-kirdaar hona chahiye
