درد کی اوٹ میں پلکوں کو جھکا کر رونارونے والوں کو بہر طور ہنسا کر رونا
درد کو بانٹنے آ جائیں یہ جھونکے سارےیوں مرا نام ہواؤں کو بتا کر رونا
لوگ لے لے کے مرا نام ستائیں گے ناںآنسوؤں کی کوئی تمہید بنا کر رونا
اوس بکھری ہوئی پھولوں پہ بھلی لگتی ہےاپنی آنکھوں کو بھی راہوں میں بچھا کر رونا
کوئی بھی دردادھر سے نہ اُدھر ہو پائےآنسوؤں کی ذرا ترتیب لگا کر رونا
لوگ ہر بات پہ محشر سا اُٹھا دیتے ہیںتم کبھی حال نہ اوروں کو سنا کر رونا
ایسے تنہائی میں مت رو کے گنواؤ مجھ کومیں جو آ جاؤں تو سینے سے لگا کر رونا
بھیجنا ہاتھ پرندوں کے، غموں کے نوحےیوں مرا سوگ ہواؤں میں منا کر رونا
زینؔ اس واسطے ٹھہری نہیں حالت اپنیایک ہی شخص کو خوابوں میں بُلا کر رونا
— زین شکیل
Dard ki ot mein palkon ko jhuka kar ronaRone walon ko behr taur hansa kar rona
Dard ko bantne aa jaayen ye jhonke sareYuun mera naam hawaaon ko bata kar rona
Log le le ke mera naam satayenge naanAansuon ki koi tamheed bana kar rona
Oas bikhri hui phoolon pe bhali lagti haiApni aankhon ko bhi rahon mein bichha kar rona
Koi bhi dard idhar se na udhar ho paayeAansuon ki zara tarteeb laga kar rona
Log har baat pe mahshar sa utha dete hainTum kabhi haal na auron ko suna kar rona
Aise tanhai mein mat ro ke ganwao mujh koMain jo aa jaaun to seene se laga kar rona
Bhejna haath parindon ke, ghamon ke nauheYuun mera sog hawaaon mein mana kar rona
Zain is waste thehri nahin halat apniEk hi shakhs ko khwabon mein bula kar rona
