دل سے نکلی ہے یہ صدا، مرشد – زین شکیل

دل سے نکلی ہے یہ صدا، مرشدتیرا لیتا ہوں نام یا مرشد

بے کلی پل رہی ہے سینے میںہاتھ دل پر ذرا لگا، مرشد

کیوں فضائیں ہیں پُر فریب اتنیخوشبوؤں میں ہے کیوں وَبا ،مرشد؟

توشہء عاقبت ملے مجھ کوایسی دے دے کوئی دعا، مرشد

تہنیت غم نے دی گلے لگ کریہ معمّہ عجیب تھا ،مرشد

جاگتی جوت ہے ترا چہرارُخ سے کاکُل ذرا ہٹا، مرشد

عمر بھر کو تمہارے پہلو میںچاہئیے اک ذرا سی جا، مرشد

سامنا ہے مجھے رذالت کاہو کرم کی ذرا نگاہ، مرشد

آپ کے نام زندگی کر دیاور کرتے بھی ہم تو کیا، مرشد؟

کوئی ، آنسو بھی پڑھنے والا ہوہم بھی روئے ہیں بے صدا ،مرشد

یوں لگا عالمِ نزع تھا وہہو رہا تھا کوئی جدا، مرشد

ہم نے قصداً نہیں کیا کچھ بھیہم سے ہونا نہیں خفا، مرشد

اس طرح منہ تو پھیر کر مت جامیری جتنی ہے، دے سزا، مرشد

سانس بھی ساتھ چھوڑ جائے گیزندگی کیوں ہے بے وفا، مرشد

درحقیقت وصال ہے جیونہے فنا میں اصل بقا، مرشد

معاف کر دے تمام تقصیریںمان بردوں کی التجا ، مرشد

— زین شکیل

کس نے پڑھا

یہ کلام محفلوں میں