8 اشعار

جلتی کو مت اور جلاؤ، آجاؤ

Jalti ko mat aur jalao, aa jaao

«جلتی کو مت اور جلاؤ، آجاؤ» زین شکیل کا کلام ہے، جسے یہاں آواز میں بھی سنا جا سکتا ہے۔ ریکارڈنگ کا دورانیہ 1 منٹ 7 سیکنڈ ہے۔

جلتی کو مت اور جلاؤ، آجاؤمت سورج سے آنکھ ملاؤ، آجاؤ

سوچوں کا دریا تم کو لے ڈوبے گادیکھو اتنی دور نہ جاؤ، آجاؤ

شہر کے لوگ تو چیخ پکار نہیں سنتےمیرے کان میں بات بتاؤ، آجاؤ

تم بھی تو بیتاب تھے مجھ سے ملنے کودور کھڑے ہو مت شرماؤ، آجاؤ

میں نے تم کو دیکھ کے بازو کھولے ہیںمیرے سینے سے لگ جاؤ، آجاؤ

لوگ کہیں تقسیم مجھے نہ کر ڈالیںجلدی آؤ، آ بھی جاؤ، آجاؤ

بعد میں دل کی بات تمہیں سمجھاؤں گاپہلے آ کر تم سمجھاؤ، آجاؤ

یوں میں تم کو روز بلایا کرتا ہوںآؤ، آؤ، آؤ، آؤ، آجاؤ

— زین شکیل