گلا بھی تجھ سے بہت ہے مگر محبت بھی (باصر سلطان کاظمی)

ِباصر سلطان کاظمی اردو کے ممتاز اور معتبر شاعر، ڈرامہ نگار اور ادیب ہیں، جنہیں برطانوی-پاکستانی ادبی دنیا میں نمایاں مقام حاصل ہے۔ آپ معروف اردو شاعر ناصر کاظمی کے فرزند ہیں اور اسی عظیم ادبی روایت کے امین و وارث سمجھے جاتے ہیں۔ باصر سلطان کاظمی کی پیدائش 4 اگست1953 کو پاکستان میں ہوئی ۔ ابتدائی تعلیم پاکستان میں حاصل کی اور بعد ازاں گورنمنٹ کالج لاہور سے انگریزی ادب کی تعلیم پائی، جہاں وہ کالج کے معروف ادبی جریدے “راوی” کے مدیر بھی رہے۔ ادبی ذوق، مطالعہ اور تخلیقی شعور انہیں وراثت میں ملا، جسے انہوں نے اپنی محنت اور انفرادیت سے ایک نئی جہت عطا کی۔سن 1990ء میں باصر سلطان کاظمی برطانیہ منتقل ہو گئے، جہاں انہوں نے اپنی تعلیمی سرگرمیوں کو مزید وسعت دی۔ انہوں نے یونیورسٹی آف مانچسٹر سے M.Ed (1991)، PGCE (1995) اور M.Phil (2000) کی ڈگریاں حاصل کیں۔ اسی دوران انہوں نے BBC Asian Programme (1990–1991) میں بطور نیوز ایڈیٹر اور نیوز ریڈر خدمات انجام دیں اور بعد ازاں North West Arts Board سے بطور ا...