ساقی شراب لا کہ طبیعت اداس ہےمطرب رباب اٹھا کہ طبیعت اداس ہے
رک رک کے ساز چھیڑ کہ دل مطمئن نہیںتھم تھم کے مے پلا کہ طبیعت اداس ہے
چبھتی ہے قلب و جاں میں ستاروں کی روشنیاے چاند ڈوب جا کہ طبیعت اداس ہے
مجھ سے نظر نہ پھیر کہ برہم ہے زندگیمجھ سے نظر ملا کہ طبیعت اداس ہے
شاید ترے لبوں کی چٹک سے ہو جی بحالاے دوست مسکرا کہ طبیعت اداس ہے
ہے حسن کا فسوں بھی علاج فسردگیرخ سے نقاب اٹھا کہ طبیعت اداس ہے
میں نے کبھی یہ ضد تو نہیں کی پر آج شباے مہ جبیں نہ جا کہ طبیعت اداس ہے
امشب گریز و رم کا نہیں ہے کوئی محلآغوش میں در آ کہ طبیعت اداس ہے
کیفیت سکوت سے بڑھتا ہے اور غمقصہ کوئی سنا کہ طبیعت اداس ہے
یوں ہی درست ہوگی طبیعت تری عدمؔکمبخت بھول جا کہ طبیعت اداس ہے
توبہ تو کر چکا ہوں مگر پھر بھی اے عدمؔتھوڑا سا زہر لا کہ طبیعت اداس ہے
— عبدالحمیدعدم
Sāqī sharāb lā ke tabī'at udās haiMutrib rabāb uThā ke tabī'at udās hai
Ruk ruk ke sāz chheR ke dil mutma'in nahīnTham tham ke mai pilā ke tabī'at udās hai
Chubhtī hai qalb-o-jāñ mein sitāron kī roshanīAy chānd Doob jā ke tabī'at udās hai
Mujh se nazar na pher ke barham hai zindagīMujh se nazar milā ke tabī'at udās hai
Shāyad tere labon kī chaTak se ho jī ba-hālAy dost muskurā ke tabī'at udās hai
Hai husn kā fasūn bhī ilāj-e-fasurdagīRuKH se niqāb uThā ke tabī'at udās hai
Main ne kabhī yeh zid to nahīn kī par āj shabAy mah-jabīn na jā ke tabī'at udās hai
Imshab gurez-o-ram kā nahīn hai koī mahalĀgosh mein dar ā ke tabī'at udās hai
Kaifiyat-e-sukūt se baRhtā hai aur ghamQissa koī sunā ke tabī'at udās hai
Yūn hī durust hogī tabī'at terī 'Adam'Kambakht bhool jā ke tabī'at udās hai
Tauba to kar chukā hoon magar phir bhī ay 'Adam'ThoRā sā zehar lā ke tabī'at udās hai
