تم سمجھتی ہو یہ گلدان میں ہنستے ہوئے پھولمیری افسردگئ دل کو مٹا ہی دیں گے
یہ حسیں پھول کہ ہیں جان گلستان بہارمیرے سوئے ہوئے نغموں کو جگا ہی دیں گے
تم نے دیکھی ہیں دمکتی ہوئی شمعیں لیکنتم نے دیکھے نہیں بجھتے ہوئے دیپک ہمدم
وہی دیپک جو نگاہوں کا سہارا پا کرایک لمحے کے لئے جلتے ہیں بجھ جاتے ہیں
کبھی اک اشک سے دھل جاتے ہیں صدیوں کے غبارکائنات اور نکھر اور سنور جاتی ہے
کبھی ناکام تمنا کی صدائے مبہمقہقہہ بن کے فضاؤں میں بکھر جاتی ہے
ٹوٹتے تاروں کے سنگیت سنے ہیں تم نےوہ بھی نغمے ہیں جو ہونٹوں سے گریزاں ہی رہے
پھڑپھڑاتے ہوئے دیکھے ہیں فضاؤں میں کبھیوہ فسانے جو نگاہوں سے بیاں ہو نہ سکے
کبھی کانٹوں سے بہل جاتی ہے روح غمگیںاور معصوم شگوفوں کی رسیلی خوشبو
نیشتر بن کے رگ جاں میں اتر جاتی ہےہاں یہی پھول یہی جان گلستان بہار
ناگ بن کر کبھی احساس کو ڈس لیتے ہیں
— ادا جعفری
Tum samajhti ho yeh guldaan mein hanste hue phoolMeri afsurdagi-e-dil ko mita hi dein ge
Yeh haseen phool ke hain jaan-e-gulistan-e-baharMere soye hue naghmon ko jaga hi dein ge
Tum ne dekhi hain damakti hui shamaein lekinTum ne dekhe nahin bujhte hue deepak humdum
Wohi deepak jo nigahon ka sahara pa karEk lamhe ke liye jalte hain bujh jaate hain
Kabhi ek ashk se dhul jaate hain sadiyon ke ghubarKainat aur nikhar aur sanwar jaati hai
Kabhi nakaam tamanna ki sada-e-mubhamQahqaha ban ke fizaaon mein bikhar jaati hai
Tootte taaron ke sangeet sune hain tum neWo bhi naghme hain jo honton se gurezan hi rahe
Phadphadate hue dekhe hain fizaaon mein kabhiWo fasane jo nigahon se bayan ho na sake
Kabhi kaanton se behal jaati hai rooh-e-ghamgeenAur masoom shagufo ki raseeli khushboo
Nishtar ban ke rag-e-jaan mein utar jaati haiHaan yehi phool yehi jaan-e-gulistan-e-bahar
Naag ban kar kabhi ehsaas ko das lete hain
