اگر وہ اپنے حسین چہرے کو بھول کر بے نقاب کر دےتو ذرے کو ماہتاب اور ماہتاب کو آفتاب کر دے
تری محبت کی وادیوں میں مری جوانی سے دور کیا ہےجو سادہ پانی کو اک نشیلی نظر میں رنگیں شراب کر دے
حریم عشرت میں سونے والے شمیم گیسو کی مستیوں سےمری جوانی کی سادہ راتوں کو اب تو سرشار خواب کر دے
مزے وہ پائے ہیں آرزو میں کہ دل کی یہ آرزو ہے یا ربتمام دنیا کی آرزوئیں مرے لیے انتخاب کر دے
نظر نا آنے پہ ہے یہ حالت کہ جنگ ہے شیخ و برہمن میںخبر نہیں کیا سے کیا ہو دنیا جو خود کو وہ بے نقاب کر دے
مرے گناہوں کی شورشیں اس لیے زیادہ رہی ہیں یا ربکہ ان کی گستاخیوں سے تو اپنے عفو کو بے حساب کر دے
خدا نہ لائے وہ دن کہ تیری سنہری نیندوں میں فرق آئےمجھے تو یوں اپنے ہجر میں عمر بھر کو بیزار خواب کر دے
میں جان و دل سے تصور حسن دوست کی مستیوں کے قرباںجو اک نظر میں کسی کے بے کیف آنسوؤں کو شراب کر دے
عروس فطرت کا ایک کھویا ہوا تبسم ہے جس کو اخترؔکہیں وہ چاہے شراب کر دے کہیں وہ چاہے شباب کر دے
— اختر شیرانی
Agar woh apne haseen chehre ko bhool kar be-naqaab kar deTo zarre ko mahtaab aur mahtaab ko aaftaab kar de
Teri mohabbat ki wadiyon mein meri jawaani se door kya haiJo saada paani ko ik nasheeli nazar mein rangeen sharab kar de
Hareem-e-ishrat mein sone wale shamim-e-gesoo ki mastiyon seMeri jawaani ki saada raaton ko ab to sarshaar-e-khwab kar de
Maze woh paaye hain aarzoo mein ke dil ki ye aarzoo hai ya RabbTamaam duniya ki aarzoo'en mere liye intikhaab kar de
Nazar na aane pe hai ye haalat ke jang hai shaikh o barahman meinKhabar nahin kya se kya ho duniya jo khud ko woh be-naqaab kar de
Mere gunaahon ki shorishein is liye zyada rahi hain ya RabbKe un ki gustaakhiyon se tu apne afv ko be-hisaab kar de
Khuda na laye woh din ke teri sunahri neendon mein farq aayeMujhe to yun apne hijr mein umr bhar ko bezaar-e-khwab kar de
Main jaan o dil se tasawwur-e-husn-e-dost ki mastiyon ke qurbaanJo ik nazar mein kisi ke be-kaif aansu'on ko sharab kar de
Aroos-e-fitrat ka ek khoya hua tabassum hai jis ko Akhtar!Kahin woh chahe sharab kar de kahin woh chahe shabaab kar de
