کیوں حیرت سے تکتی ہے ایک اک چہرے کوکیا تجھ کو شکوہ ہے تیری گویائی کی طاقت
چھین کے قدرت نے بے انصافی کی ہے؟کیا تجھ کو احساس ہے تیرے پاس اگر گفتار کی نعمت ہوتی
تو اس چاروں جانب پھیلی ہتھیاروں کی دنیاسینہ دہلا دینے والے طیاروں کی انساں کش آوازیں
آوازیں جن میں انساں کی روح شبانہ روز دبی جاتی ہےمحشر خیز آوازیں کل پرزوں کی جن سے نفسی نفسی کا عالم پیدا ہو کر
دن پر دن عفریت کی صورت میں بڑھتا جاتا ہےان آوازوں کی ہیبت ناکی پر واویلا کرتی
تو آواز اٹھاتی اس فاشی اور تعصب پھیلانے والے عنصر کو بڑھتا پا کرجو حب الوطنی کے نام پہ انساں کش ہوتا جاتا ہے
تو ان رجحانات کی خوب مذمت کرتیان سے لڑتی جو اس دنیا کو پیچھے لے جانے میں کوشاں ہیں
'مذہب اور تہذیب''ثقافت' اور 'ترقی' کہہ کر رجعت پرور ہو جاتے ہیں
لے میں تجھ کو اپنی گویائی دیتا ہوں!یہ میرے کام نہیں آئی کچھ
میں ایسا بزدل ہوں جو ہر بے انصافی کو چپکے چپکے سہتا ہےجس نے 'مقتل' اور 'قاتل' دونوں دیکھے ہیں
لیکن دانائی کہہ کراپنی گویائی کو گونگا کر رکھا ہے!
— اخترالایمان
Kyun hairat se takti hai ek ek chehre koKya tujh ko shikwah hai teri goiayi ki taqat
Chheen ke qudrat ne be-insaafi ki hai?Kya tujh ko ehsaas hai tere paas agar guftaar ki ne'mat hoti
Toh us charon jaanib phaili hatiyaron ki duniyaSeena dehla dene wale tayyaron ki insaan-kash aawazein
Aawazein jin mein insaan ki rooh shabana roz dabi jaati haiMehshar khez aawazein kal-purzon ki jin se nafsi nafsi ka alam paida ho kar
Din par din ifreet ki soorat mein badhta jaata haiIn aawazon ki haibat-naaki par wawaela karti
Tu aawaz uthati us faashi aur ta'assub phailaane wale ansar ko badhta paa karJo hubb-ul-watani ke naam pe insaan-kash hota jaata hai
Tu in rujhanaat ki khoob mazammat kartiIn se ladti jo is duniya ko peeche le jaane mein koshaan hain
'Mazhab aur Tehzeeb''Saqafat' aur 'Taraqqi' keh kar ruj'at parwar ho jaate hain
Le main tujh ko apni goiayi deta hoon!Yeh mere kaam nahin aai kuch
Main aisa buzdil hoon jo har be-insaafi ko chupke chupke sehta haiJis ne 'maqtal' aur 'qaatil' dono dekhe hain
Lekin daanaai keh karApni goiayi ko goonga kar rakha hai!