ہم کتنا روئے تھے جب اک دن سوچا تھا ہم مر جائیں گےاور ہم سے ہر نعمت کی لذت کا احساس جدا ہو جائے گا
چھوٹی چھوٹی چیزیں جیسے شہد کی مکھی کی بھن بھنچڑیوں کی چوں چوں کوؤں کا ایک اک تنکا چننا
نیم کی سب سے اونچی شاخ پہ جا کر رکھ دینا اور گھونسلہ بنناسڑکیں کوٹنے والے انجن کی چھک چھک بچوں کا دھول اڑانا
آدھے ننگے مزدوروں کو پیاز سے روٹی کھاتے دیکھے جانایہ سب لا یعنی بیکار مشاغل بیٹھے بیٹھے ایک دم چھن جائیں گے
ہم کتنا روئے تھے جب پہلی بار یہ خطرہ اندر جاگا تھااس گردش کرنے والی دھرتی سے رشتہ ٹوٹے گا ہم جامد ہو جائیں گے
لیکن کب سے لب ساکت ہیں دل کی ہنگامہ آرائی کیبرسوں سے آواز نہیں آئی اور اس مرگ مسلسل پر
ان کم مایہ آنکھوں سے اک قطرہ آنسو بھی تو نہیں ٹپکا
— اخترالایمان
Hum kitna roye thhe jab ek din socha tha hum mar jaengeAur hum se har ne'mat ki lazzat ka ehsaas juda ho jaega
Chhoti chhoti cheezein jaise shehad ki makkhi ki bhin bhinChidiyon ki choon choon, kauwon ka ek ek tinka chunna
Neem ki sab se oonchi shaakh pe jaa kar rakh dena aur ghonsla bannaSadkein kootne wale engine ki chhak chhak, bachchon ka dhool udaana
Aadhe nange mazdooron ko pyaaz se roti khate dekhe jaanaYeh sab la-ya'ani bekaar mashaaghal baithe baithe ek dum chhin jaenge
Hum kitna roye thhe jab pehli baar yeh khatra andar jaaga thaIs gardish karne wali dharti se rishta tootega, hum jaamid ho jaenge
Lekin kab se lab saakit hain dil ki hangama-aaraai kiBarson se aawaz nahin aai aur is marg-e-musalsal par
In kam maaya aankhon se ek qatra aansoo bhi to nahin tapka