ہم کتنا روئے تھے جب اک دن سوچا تھا ہم مر جائیں گےاور ہم سے ہر نعمت کی لذت کا احساس جدا ہو جائے گا
چھوٹی چھوٹی چیزیں جیسے شہد کی مکھی کی بھن بھنچڑیوں کی چوں چوں کوؤں کا ایک اک تنکا چننا
نیم کی سب سے اونچی شاخ پہ جا کر رکھ دینا اور گھونسلہ بنناسڑکیں کوٹنے والے انجن کی چھک چھک بچوں کا دھول اڑانا
آدھے ننگے مزدوروں کو پیاز سے روٹی کھاتے دیکھے جانایہ سب لا یعنی بیکار مشاغل بیٹھے بیٹھے ایک دم چھن جائیں گے
ہم کتنا روئے تھے جب پہلی بار یہ خطرہ اندر جاگا تھااس گردش کرنے والی دھرتی سے رشتہ ٹوٹے گا ہم جامد ہو جائیں گے
لیکن کب سے لب ساکت ہیں دل کی ہنگامہ آرائی کیبرسوں سے آواز نہیں آئی اور اس مرگ مسلسل پر
ان کم مایہ آنکھوں سے اک قطرہ آنسو بھی تو نہیں ٹپکا
— اخترالایمان
Hum kitna roye the jab ik din socha tha hum mar jaayengeAur hum se har ne'mat ki lazzat ka ehsaas judaa ho jayega
Chhoti chhoti cheezein jaise shehad ki makkhi ki bhan bhanChidiyon ki choon choon kauwon ka ek ek tinka chunna
Neem ki sab se oonchi shaakh pe jaa kar rakh dena aur ghonsla bannaSadkein kootne wale engine ki chhak chhak bachchon ka dhool udaana
Aadhe nange mazdooron ko pyaaz se roti khaate dekhe jaanaYe sab laaya'ani bekaar mashaaghal baithe baithe ek dam chhin jaayenge
Hum kitna roye the jab pehli baar ye khatra andar jaaga thaIs gardish karne waali dharti se rishta tootega hum jaamid ho jaayenge
Lekin kab se lab saakit hain dil ki hangaama-aaraayi kiBarson se awaaz nahin aayi aur is marg-e-musalsal par
In kam-maya aankhon se ik qatra aansu bhi to nahin tapka