سخت مشکل میں کیا ہجر نے آسان مجھےدوسرا عشق ہوا پہلے کے دوران مجھے
تیرے اندر کی اداسی کے مشابہ ہوں میںخال و خد سے نہیں آواز سے پہچان مجھے
اجنبی شہر میں اک لقمے کو ترسا ہوا میںمیزباں جسموں نے سمجھا نہیں مہمان مجھے
ایک ہی شکل کے سب چہرے تھے لیکن پھر بھیایک چہرے نے تو بے حد کیا حیران مجھے
میں محبت بھی محبت کے عوض دیتا ہوںپھر بھی ہو جاتا ہے اس کام میں نقصان مجھے
بھولے بسرے کسی نغمے کی سی شاداب آوازرات کانوں میں پڑی کر گئی سنسان مجھے
جانے کب سونپ دوں مٹی کو یہ مٹی کا قفسجانے کب دینا پڑے روح کا تاوان مجھے
— انجم سلیمی
Sakht mushkil mein kiya hijr ne aasaan mujheDoosra ishq hua pehle ke dauraan mujhe
Tere andar ki udasi ke mushabeh hoon mainKhaal-o-khad se nahin, awaaz se pehchan mujhe
Ajnabi shehar mein ek luqme ko tarsa hua mainMezbaan jismon ne samjha nahin mehmaan mujhe
Ek hi shakal ke sab chehre the lekin phir bhiEk chehre ne to be-had kiya hairaan mujhe
Main mohabbat bhi mohabbat ke ewaz deta hoonPhir bhi ho jata hai is kaam mein nuqsan mujhe
Bhoole bisre kisi naghme ki si shadaab awaazRaat kaanon mein padi kar gayi sunsaan mujhe
Jaane kab saunp doon mitti ko yeh mitti ka qafasJaane kab dena pade rooh ka tawaan mujhe
