اپنے کو تیرے دھیان میں جس نے مٹا دیابھٹکے ہوؤں کو پاس کا رستا بتا دیا
ٹھہرا نہ جی مجھی کو ٹھکانے لگا دیااے دینے والے تو نے دیا بھی تو کیا دیا
الٹی کہی سمجھ کے جو کہنے کی بات تھیہونٹ اس کے یوں ہلے کہ کلیجا ہلا دیا
کیونکر پڑھوں کہ کیا ہے لکیروں میں ہاتھ کیجو لکھا آنسوؤں نے ٹپک کر مٹا دیا
جھپکی تھی جس سے آنکھ وہ بجلی بھی اب نہیںترسانا ہی تھا تم کو تو کیوں آسرا دیا
آنکھوں سے آنکھیں ملتے ہی دیوانے ہو گئےپھر بھر کے ان کٹوریوں میں تم نے کیا دیا
میں سوچ ہی میں تھا کہ لگی ہے کہاں پہ چوٹاک ہوک یوں اٹھی کہ ٹھکانا بتا دیا
دو سوتیں چل رہی ہیں اب آنکھیں نہیں رہیںڈھیلوں کو پانی کر کے لگی نے بہا دیا
چونک آرزوؔ کہ سانس دھواں دے رہی ہے ابچھالا نہ جان ابھرتے ہی جس کو دبا دیا
— آرزو لکھنوی
Apne ko tere dhyan mein jis ne mita diyaBhatke huon ko paas ka rasta bata diya
Thehra na ji mujhi ko Thikane laga diyaAe dene wale tu ne diya bhi to kya diya
UlTi kahi samajh ke jo kahne ki baat thiHonT us ke yun hile ke kaleja hila diya
Kyunkar paRhun ke kya hai lakeeron mein haath kiJo likha aansuon ne Tapak kar miTa diya
Jhapki thi jis se aankh woh bijli bhi ab nahinTarsana hi tha tum ko to kyun aasra diya
Aankhon se aankhen milte hi deewane ho gayePhir bhar ke in kaToriyon mein tum ne kya diya
Main soch hi mein tha ke lagi hai kahan pe choTEk hook yun uThi ke Thikana bata diya
Do sotein chal rahi hain ab aankhen nahin rahinDheelon ko pani kar ke lagi ne baha diya
Chunke Aarzoo ke saans dhuan de rahi hai abChhala na jaan ubharte hi jis ko daba diya
