بدل کے رکھ دیں گے یہ تصور کہ آدمی کا وقار کیا ہےخلا میں وہ چاند ناچتا ہے زماں مکاں کا حصار کیا ہے
بہک گئے تھے سنبھل گئے ہیں ستم کی حد سے نکل گئے ہیںہم اہل دل یہ سمجھ گئے ہیں کشاکش روزگار کیا ہے
ابھی نہ پوچھو کہ لالہ زاروں سے اٹھ رہا ہے دھواں وہ کیسامگر یہ دیکھو کہ پھول بننے کا آرزو مند خار کیا ہے
وہی بنے دشمن تمنا جنہیں سکھایا تھا ہم نے جینااگر یہ پوچھیں تو کس سے پوچھیں کہ دوستی کا شعار کیا ہے
کبھی ہے شبنم کبھی شرارا فلک سے ٹوٹا تو ایک تاراغم محبت کے رازدارو یہ گوہر آبدار کیا ہے
بہار کی تم نئی کلی ہو ابھی ابھی جھوم کر کھلی ہومگر کبھی ہم سے یوں ہی پوچھو کہ حسرتوں کا مزار کیا ہے
بہ ایں تباہی دکھائے ہم نے وہ معجزے عاشقی کے تم کوبہ ایں عداوت کبھی نہ کہنا کہ آپ سا خاکسار کیا ہے
بنے کوئی علم و فن کا مالک کہ میں ہوں راہ وفا کا سالکنہیں ہے شہرت کی فکر باقرؔ غزل کا اک رازدار کیا ہے
— باقر مہدی
Badal ke rakh denge ye tasawwur ki aadmi ka waqar kya haiKhala mein wo chand naachta hai zaman makan ka hisar kya hai
Behak gaye the sambhal gaye hain sitam ki hadd se nikal gaye hainHum ahl-e-dil ye samajh gaye hain kashakash-e-rozgar kya hai
Abhi na poochho ki lala-zaron se uth raha hai dhuan wo kaisaMagar ye dekho ki phool banne ka aarzoo-mand khaar kya hai
Wahi bane dushman-e-tamanna jinhen sikhaya tha hum ne jeenaAgar ye poochhen to kis se poochhen ki dosti ka sha'ar kya hai
Kabhi hai shabnam kabhi sharara falak se toota to ek taaraGham-e-mohabbat ke raazdaaro ye gauhar-e-aabdar kya hai
Bahar ki tum nayi kali ho abhi abhi jhoom kar khili hoMagar kabhi hum se yun hi poochho ki hasraton ka mazaar kya hai
Ba-een tabahi dikhaye hum ne wo mojize aashiqi ke tum koBa-een adawat kabhi na kehna ki aap sa khaksar kya hai
Bane koi ilm-o-fan ka malik ki main hoon raah-e-wafa ka saalikNahin hai shohrat ki fikr Baqir ghazal ka ek raazdar kya hai
