ذرے کا راز مہر کو سمجھانا چاہئےچھوٹی سی کوئی بات ہو لڑ جانا چاہئے
خوابوں کی ایک ناؤ سمندر میں ڈال کےطوفاں کی موج موج سے ٹکرانا چاہئے
ہر بات میں جو زہر کے نشتر لگائے ہیںایسے ہی دل جلوں سے تو یارانہ چاہئے
کیا زندگی سے بڑھ کے جہنم نہیں کوئییہ سچ ہے پھر تو آگ میں جل جانا چاہئے
دنیا وہ شاہراہ ہے بچنا محال ہےپگڈنڈیوں کو ڈھونڈ کے اپنانا چاہئے
نظمیں وہ ہوں کہ چیخ پڑیں سارے اہل فننیندیں اڑا دے سب کی وہ افسانہ چاہئے
بحروں کو توڑ توڑ کے نالے میں ڈال دوبس دل کی لے میں فکر کو ڈھل جانا چاہئے
یہ کہکشاں بھی ٹوٹ کے ہو مصرعوں میں جذبذہن رسا کو اتنا تو الجھانا چاہئے
ہم یولیسیسؔ بن کے بہت جی چکے مگریارو حسینؔ بن کے بھی مر جانا چاہئے
— باقر مہدی
Zarre ka raaz mehr ko samjhana chahiyeChhoti si koi baat ho lad jaana chahiye
Khwabon ki ek naao samundar mein daal keToofan ki mauj mauj se takrana chahiye
Har baat mein jo zehar ke nishtar lagaye hainAise hi dil jalon se to yaarana chahiye
Kya zindagi se badh ke jahannam nahin koiYeh sach hai phir to aag mein jal jaana chahiye
Duniya woh shahrah hai bachna mahal haiPagdandiyon ko dhoond ke apnaana chahiye
Nazmein woh hon ke cheekh padein saare ahl-e-fanNeendein uda de sab ki woh afsana chahiye
Bahron ko tod tod ke naale mein daal doBas dil ki lay mein fikr ko dhal jaana chahiye
Yeh kahkashan bhi toot ke ho misron mein jazbZehan-e-rasa ko itna to uljhana chahiye
Hum Ulyssesؔ ban ke bahut jee chuke magarYaaro Husainؔ ban ke bhi mar jaana chahiye
