آنکھوں سے کچھ چبھن بھی دل بے قرار کھینچاشکوں کو جمع کرتے ہوئے انتظار کھینچ
تخلیق نو میں رکھ نئے مصرعے کے خد و خاللوح سخن پہ لفظ کی تازہ بہار کھینچ
ڈھیل اتنی دے رہا ہے محبت میں کیوں اسےہاتھوں سے دل نکل ہی نہ جائے مہار کھینچ
ماضی سے تو ملا دے مرے حال کا سرامیں منتظر کھڑا ہوں مرے یار تار کھینچ
کس نے کہا تھا چاند کو گرہن سے فتح کرکس نے کہا تھا سایۂ نصف النہار کھینچ
کب تک میں اس گلی کی طرف رخ کیے رکھوںایسے تو اے کشش نہ مجھے بار بار کھینچ
غرق اس کو کر نہ دے کہیں لہروں کا اضطرابکشتی پہ ہاتھ رکھ اسے دریا کے پار کھینچ
— دلاور علی آزر
Aankhon se kuch chubhan bhi dil be-qarar kheenchAshkon ko jama karte hue intizar kheench
Takhleeq-e-nau mein rakh naye misre ke khad o khaalLauh-e-sukhan pe lafz ki taza bahar kheench
Dheel itni de raha hai mohabbat mein kyon useHaathon se dil nikal hi na jaaye mahar kheench
Maazi se tu mila de mere haal ka siraMain muntazir khada hoon mere yaar taar kheench
Kis ne kaha tha chand ko grahan se fateh karKis ne kaha tha saya-e-nisf-un-nahar kheench
Kab tak main us gali ki taraf rukh kiye rakhoonAise to aye kashish na mujhe baar baar kheench
Gharq us ko kar na de kahin lehron ka iztirabKashti pe haath rakh use darya ke paar kheench
