جب کوئی کلی صحن گلستاں میں کھلی ہےشبنم مری آنکھوں میں وہیں تیر گئی ہے
جس کی سر افلاک بڑی دھوم مچی ہےآشفتہ سری ہے مری آشفتہ سری ہے
اپنی تو اجالوں کو ترستی ہیں نگاہیںسورج کہاں نکلا ہے کہاں صبح ہوئی ہے
بچھڑی ہوئی راہوں سے جو گزرے ہیں کبھی ہمہر گام پہ کھوئی ہوئی اک یاد ملی ہے
اک عمر سنائیں تو حکایت نہ ہو پوریدو روز میں ہم پر جو یہاں بیت گئی ہے
ہنسنے پہ نہ مجبور کرو لوگ ہنسیں گےحالات کی تفسیر تو چہرے پہ لکھی ہے
مل جائیں کہیں وہ بھی تو ان کو بھی سنائیںجالبؔ یہ غزل جن کے لیے ہم نے کہی ہے
— حبیب جالب
Jab koi kali sehn-e-gulistaan mein khili haiShabnam meri aankhon mein wahin teer gayi hai
Jis ki sar-e-aflaak badi dhoom machi haiAashufta-sari hai meri aashufta-sari hai
Apni to ujaalon ko tarasti hain nigaheinSooraj kahaan nikla hai kahaan subah hui hai
Bichhdi hui raahon se jo guzre hain kabhi humHar gaam pe khoi hui ik yaad mili hai
Ik umar sunaayein to hikayat na ho pooriDo roz mein hum par jo yahaan beet gayi hai
Hansne pe na majboor karo log hansengeHalaat ki tafseer to chehre pe likhi hai
Mil jaayen kahin woh bhi to un ko bhi sunaayeinJaleb yeh ghazal jin ke liye hum ne kahi hai
