آنے والے جانے والے ہر زمانے کے لیےآدمی مزدور ہے راہیں بنانے کے لیے
زندگی فردوس گم گشتہ کو پا سکتی نہیںموت ہی آتی ہے یہ منزل دکھانے کے لیے
میری پیشانی پہ اک سجدہ تو ہے لکھا ہوایہ نہیں معلوم ہے کس آستانے کے لیے
ان کا وعدہ اور مجھے اس پر یقیں اے ہم نشیںاک بہانہ ہے تڑپنے تلملانے کے لیے
جب سے پہرہ ضبط کا ہے آنسوؤں کی فصل پرہو گئیں محتاج آنکھیں دانے دانے کے لیے
آخری امید وقت نزع ان کی دید تھیموت کو بھی مل گیا فقرہ نہ آنے کے لیے
اللہ اللہ دوست کو میری تباہی پر یہ نازسوئے دشمن دیکھتا ہے داد پانے کے لیے
نعمت غم میرا حصہ مجھ کو دے دے اے خداجمع رکھ میری خوشی سارے زمانے کے لیے
نسخۂ ہستی میں عبرت کے سوا کیا تھا حفیظؔسرخیاں کچھ مل گئیں اپنے فسانے کے لیے
— حفیظ جالندھری
Aane wale jaane wale har zamane ke liyeAadmi mazdoor hai rahen banane ke liye
Zindagi firdous-e-gumgushta ko pa sakti nahinMaut hi aati hai yeh manzil dikhane ke liye
Meri peshani pe ek sajda to hai likha huaYeh nahin maaloom hai kis aastane ke liye
Un ka waada aur mujhe is par yaqeen Aye hum-nasheenEk bahana hai tarapne tilmilane ke liye
Jab se pehrah zabt ka hai aansuon ki fasl parHo gayin mohtaj aankhen daane daane ke liye
Aakhri ummeed waqt-e-naza' un ki deed thiMaut ko bhi mil gaya fiqra na aane ke liye
Allah Allah dost ko meri tabahi par yeh naazSuye-dushman dekhta hai daad pane ke liye
Ne'mat-e-gham mera hissa mujh ko de de Aye KhudaJama' rakh meri khushi sare zamane ke liye
Nuskha-e-hasti mein ibrat ke siva kya tha HafeezSurkhiyan kuchh mil gayin apne fasane ke liye
