چپکے چپکے رات دن آنسو بہانا یاد ہےہم کو اب تک عاشقی کا وہ زمانا یاد ہے
باہزاراں اضطراب و صدہزاراں اشتیاقتجھ سے وہ پہلے پہل دل کا لگانا یاد ہے
بار بار اٹھنا اسی جانب نگاہ شوق کااور ترا غرفے سے وہ آنکھیں لڑانا یاد ہے
تجھ سے کچھ ملتے ہی وہ بے باک ہو جانا مرااور ترا دانتوں میں وہ انگلی دبانا یاد ہے
کھینچ لینا وہ مرا پردے کا کونا دفعتاًاور دوپٹے سے ترا وہ منہ چھپانا یاد ہے
جان کر سوتا تجھے وہ قصد پا بوسی مرااور ترا ٹھکرا کے سر وہ مسکرانا یاد ہے
تجھ کو جب تنہا کبھی پانا تو از راہ لحاظحال دل باتوں ہی باتوں میں جتانا یاد ہے
جب سوا میرے تمہارا کوئی دیوانہ نہ تھاسچ کہو کچھ تم کو بھی وہ کارخانا یاد ہے
غیر کی نظروں سے بچ کر سب کی مرضی کے خلافوہ ترا چوری چھپے راتوں کو آنا یاد ہے
آ گیا گر وصل کی شب بھی کہیں ذکر فراقوہ ترا رو رو کے مجھ کو بھی رلانا یاد ہے
دوپہر کی دھوپ میں میرے بلانے کے لیےوہ ترا کوٹھے پہ ننگے پاؤں آنا یاد ہے
آج تک نظروں میں ہے وہ صحبت راز و نیازاپنا جانا یاد ہے تیرا بلانا یاد ہے
میٹھی میٹھی چھیڑ کر باتیں نرالی پیار کیذکر دشمن کا وہ باتوں میں اڑانا یاد ہے
دیکھنا مجھ کو جو برگشتہ تو سو سو ناز سےجب منا لینا تو پھر خود روٹھ جانا یاد ہے
چوری چوری ہم سے تم آ کر ملے تھے جس جگہمدتیں گزریں پر اب تک وہ ٹھکانا یاد ہے
شوق میں مہندی کے وہ بے دست و پا ہونا ترااور مرا وہ چھیڑنا وہ گدگدانا یاد ہے
باوجود ادعائے اتقا حسرتؔ مجھےآج تک عہد ہوس کا وہ فسانا یاد ہے
— حسرت موہانی
Chupke chupke raat din aansu bahana yaad haiHam ko ab tak aashiqui ka woh zamana yaad hai
Bahazaron iztirab o sadhazaron ishtiyaqTujh se woh pehle pehal dil ka lagana yaad hai
Baar baar uthna usi jaanib nigaah-e-shauq kaAur tera ghurfe se woh aankhen ladana yaad hai
Tujh se kuch milte hi woh be-baak ho jaana meraAur tera daanton mein woh ungli dabana yaad hai
Kheench lena woh mera parde ka kona dafatanAur dupatte se tera woh munh chhupana yaad hai
Jaan kar sota tujhe woh qasd-e-pabosi meraAur tera thukra ke sar woh muskurana yaad hai
Tujh ko jab tanha kabhi pana to az raah-e-lihaazHaal-e-dil baaton hi baaton mein jatana yaad hai
Jab siwa mere tumhara koi deevana na thaSach kaho kuch tum ko bhi woh karkhana yaad hai
Gair ki nazron se bach kar sab ki marzi ke khilaafWoh tera chori chhupe raaton ko aana yaad hai
Aa gaya gar vasl ki shab bhi kahin zikr-e-firaaqWoh tera ro ro ke mujh ko bhi rulana yaad hai
Dopahar ki dhoop mein mere bulane ke liyeWoh tera kothe pe nange paaon aana yaad hai
Aaj tak nazron mein hai woh sohbat-e-raaz-o-niyazApna jaana yaad hai tera bulana yaad hai
Meethi meethi chhed kar baaten nirali pyaar kiZikr-e-dushman ka woh baaton mein udaana yaad hai
Dekhna mujh ko jo bar-gashta to sau sau naaz seJab mana lena to phir khud rooth jaana yaad hai
Chori chori hum se tum aa kar mile the jis jagahMuddaten guzreen par ab tak woh thikana yaad hai
Shauq mein mehndi ke woh be-dast-o-pa hona teraAur mera woh chhedna woh gudgudana yaad hai
Bawajood iddaye ittiqa Hasrat! mujheAaj tak ahd-e-havas ka woh fasana yaad hai
