مجھے معلوم ہے میں ساری دنیا کی امانت ہوںمگر وہ لمحہ جب میں صرف اپنا ہو سا جاتا ہوں
میں تم سے دور رہتا ہوں تو میرے ساتھ رہتی ہوتمہارے پاس آتا ہوں تو تنہا ہو سا جاتا ہوں
میں چاہے سچ ہی بولوں ہر طرح سے اپنے بارے میںمگر تم مسکراتی ہو تو جھوٹا ہو سا جاتا ہوں
ترے گل رنگ ہونٹوں سے دہکتی زندگی پی کرمیں پیاسا اور پیاسا اور پیاسا ہو سا جاتا ہوں
تجھے بانہوں میں بھر لینے کی خواہش یوں ابھرتی ہےکہ میں اپنی نظر میں آپ رسوا ہو سا جاتا ہوں
— جان نثار اختر
Mujhe maloom hai main saari duniya ki amaanat hoonMagar woh lamha jab main sirf apna ho sa jaata hoon
Main tum se door rehta hoon to mere saath rehti hoTumhare paas aata hoon to tanha ho sa jaata hoon
Main chaahe sach hi boloon har tarah se apne baare meinMagar tum muskuraati ho to jhoota ho sa jaata hoon
Tere gul rang honthon se dehakti zindagi pee karMain pyaasa aur pyaasa aur pyaasa ho sa jaata hoon
Tujhe baanhoN mein bhar lene ki khwahish yoon ubharti haiKe main apni nazar mein aap ruswa ho sa jaata hoon